ޖުމްހޫރީ ދުވަހުގެ މުނާސަބަތުގައި ރައީސް އިބްރާހިމް މުހައްމަދު ސޯލިހު ދެއްވި ހިތާބުން ކުރިއަށް އޮތް އަހަރުގެ މިސްރާބު ސާފު ރައްޔިތުންނަށް އުންމީދު އާ ވާނެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވީ ރާއްޖޭގެ 52 ވަނަ ޖުމްހޫރީ ދުވަހުގެ ތަހުނިޔާ އަރިސް ކުރައްވައި ކުރެއްވި ޓްވީޓެއްގައެވެ.
އެގޮތުން ނަޝީދު ވިދާޅުވީ މިއަދު ރައީސް ސޯލިހު ދެއްވި ހިތާބުން ކުރިއަށް އޮތް އަހަރުގެ މިސްރާބު ސާފުވެ، ރައްޔިތުންގެ އުންމީދު އާ ވާނެ ކަމަށެވެ.
”މާތްﷲގެ އިރާދަފުޅުން ރަނުން ރަނަށް ވައުދު ފުއްދޭނެ. ޝުކުރިއްޔާ ރައީސް.“ ނަޝީދު ވިދާޅުވިއެވެ.
Raajjeyge 52 vana Jumhooree Dhuvahuge thahniya enme beyfulhunnah ariskuran. Miadhuge munaasbathgai RJ @ibusolih dhevvi khithaab in kuriyah oiy aharuge misraabu saafuve rayyithunge ummeedh aavaane. Maaiy Allah ge iraadhafulhun ranun ranah vaudhuthah fuhdheyne. Shukuriyya Raees pic.twitter.com/BUxlPhc0tE
— Mohamed Nasheed (@MohamedNasheed) November 11, 2020
ޖުމްހޫރީ ދުވަހުގެ މުނާސަބަތުގައި، ދިވެހި ޤައުމާ މުޚާޠަބު ކުރައްވައި ދެއްކެވި ވާހަކަފުޅުގައި ރައީސް ސޯލިހު ވިދާޅުވީ ކުރިއަށް އޮތް އަހަރަކީވެސް ގޮންޖެހުންތައް ގިނަ، ދަތިކަން ބޮޑު އަހަރަކަށް ވެދާނެ ކަމަށާއި މިބަލީގެ ސަބަބުން ލިބެމުންދާ އިޤްތިޞާދީ ގެއްލުންތަކަކީ، ފަސޭހައިން ފޫބެއްދޭވަރަށްވުރެ ބޮޑެތި ގެއްލުންތަކެއް ކަމަށެވެ.
އަދި ވަކިވަކި ފަރުދުންގެ އިޤްތިޞާދީ ފުދުންތެރިކަން އިތުރުކޮށް، ވިޔަފާރިތައް ކޮޅަށް ޖެހުމަށްޓަކައި، ދައުލަތް ހިންގުމުގެ ޚަރަދުތައް ކުޑަކޮށް، ރައްޔިތުންނާ ސީދާ ގުޅުންހުރި މަޝްރޫޢުތަކަށާއި އިޖުތިމާޢީ ރައްކާތެރިކަމަށް، އަންނަ އަހަރުގެ ބަޖެޓުން ޖާގަ ދީފައިވާނެ ކަމަށް ރައީސް ވިދާޅުވިއެވެ. އަދި އަލަށް ތަޢާރަފުކުރި ސްކީމްތައް މެދުވެރިކޮށް، ރައްޔިތުންނަށް މާލީ އެހީތެރިކަން ފޯރުކޮށްދެމުންދާނެ ކަމަށްވެސް ރައީސް ވިދާޅުވިއެވެ.
