ހުޅުމާލޭ ސްޕޯޓްސް ކޮމްޕްލެކްސް އިމާރާތުގައި އޮންނަ ސްވިމިން ޕޫލަކީ ރައީސް އަބްދުﷲ ޔާމީން އަބްދުލްޤައްޔޫމްގެ މަސައްކަތެއް ކަމަށް ޔޫތް މިނިސްޓަރު އަހުމަދު މަހްލޫފް ވިދާޅުވެއްޖެއެވެ.
މަޙްލޫފް މިހެން ވިދާޅުވެފައިވަނީ ސްވިމިންގް ޓްރެކް ހުޅުވި ޚަބަރު ޓްވީޓް ކުރައްވަވާ ނައިފަރު ދާއިރާގެ މެންބަރު އަޙްމަދު ޝިޔާމް ކުރެއްވި ޓްވީޓަކަށް ރައްދު ދެއްވަމުންނެވެ.
ޝިޔާމް ވިދާޅުވީ، މިއީ ރައްޔިތުންގެ ލޮލުގައި އެދުން އެޅުވުން ކަމަށާއި މި ޕޫލަކީ ރައީސް ޔާމީން ދިވެހި ރައްޔިތުންނަށް ވަކިން ޚާއްސަކޮށް ޒުވާން ޖީލަށް ކޮށްދެއްވާފައިވާ މަސައްކަތެއް ކަމަށެވެ. އަދި މިކަމުގެ ކުރެޑިޓް މަޙްލޫފް ދެއްވާނީ ރައީސް ސޯލިހުއަށްތޯ ޝިޔާމްވަނީ މަޙްލޫފް ކުރެން އައްސަވާފައެވެ.
މި ޓްވީޓަށް ރައްދު ދެއްވަމުން މަޙްލޫފް ވިދާޅުވީ، ހައުސިންގް ޑިވަލަޕްމެންޓް ކޯޕަރޭޝަނަށް 16 މިލިޔަން ރުފިޔާ ދެއްކީ މިސަރުކާރުން ކަމަށާއި ސަރުކާރުން މަސައްކަތް ކުރައްވަނީ އޮލިމްޕިކް ފެންވަރުގެ ސުވިމިން ޕޫލެއް އެޅުއްވުމަށް ކަމަށެވެ.
Thiee Raees Yameen ge masahkatheh / credit ves RYameen ah.
HDC ah dhakkanjehey 16M dhekkee misarukaarun.
Raees @ibusolih thikamuge credit eh nunangavaa.
Masahkaiy kuravvanee Olympic standard ge swimming pool eh elhuvvumah. Adhi swimming track ge masahkaiy IA edhanee nimen. ???????? https://t.co/cZoslu5H4S
— Ahmed Mahloof (@AhmedMahloof) December 24, 2020
ހުޅުމާލޭ ސިންތެޓިކް ޓްރެކް ސަރަހައްދުގައި ގާއިމް ކުރެވިފައިވާ ސްޕޯޓް ކޮމްޕްލެކްސް ޔޫތް މިނިސްޓްރީއާ ހަވާލުކުރިއިރު މި ކޮމްޕްލެކްސްގައި 25 މީޓަރުގެ ސްވިމިންގް ޓްރެކްއެއްގެ އިތުރުން ޖިމްއެއް ގާއިމް ކޮށްފައިވެ އެވެ. އަދި އެއަށް ފަހު ސްވިމިންގް ޕޫލް ބަލަހައްޓަން ސްވިމިންގް އެސޯސިއޭޝަނާ ވަނީ ހަވާލުކޮށްފަ އެވެ.
