މ. ކޮޅުފުށިން ލ. ގަމު ރީޖަނަލް ހޮސްޕިޓަލަށް ޑޮކްޓަރަށް ދައްކަން ދިޔަ ބަޔަކު ކޮވިޑް-19 އަށް ޕޮޒިޓިވްވުމުން އެ ރަށުން މިހާތަނަށް ނެގި ސާމްޕަލްތައް ބައްޔަށް ނެގެޓިވް ވެއްޖެއެވެ.
ގަމު ރީޖަނަލް ހޮސްޕިޓަލުން ބުނީ މިމަހުގެ 20 އިން 24 އަށް ކޮޅުފުށިން ގަމަށް ދަތުރުކުރި ތިން ފަރާތެއް ކޮވިޑަށް ޕޮޒިޓިވް ވުމާ ގުޅިގެން މިހާތަނަށް ގަމުން ސާމްޕަލް ނަގައި ޓެސްޓް ކުރެވުނު 29 ފަރާތް ވެސް ބައްޔަށް ނެގެޓިވް ވެފައިވާ ކަމަށެވެ.
ކޮޅުފުށިން މާލެ އައި މީހަކު ކޮވިޑަށް ޕޮޒިޓިވްވެ، މިދިޔަ އާދިއްތަ ދުވަހުން ފެށިގެން އެރަށަށް އަރައި ފޭބުން ވަނީ މަނާކޮށްފައެވެ.
މައުލޫމާތު ލިބިފައިވާ ގޮތުގައި ގަމަށް އެ ތިން މީހުން ދިޔައީ ކޮޅުފުށި މޮނިޓަރިންއަށް ލި ދުވަހުއެވެ. އެ ތިން ކޭސް އާއި ގުޅިގެން ގަމުގެ 10 ގެއެއް ވަނީ 14 ދުވަހުގެ މުއްދަތަށް ކަރަންޓީނުކޮށްފައެވެ.
