މާލެ ދަތުރުކުރާ ބޯޓަކުން މީހަކު ޕޮޒިޓިވްވެ ގދ. ފަރެސްމާތޮޑާ މޮނިޓަރިންއަށްލައިފިއެވެ.
އެރަށުގެ ކައުންސިލުން ބުނީ މީހަކު ޕޮޒިޓިވް ވުމާ ގުޅިގެން ރަށް މިހާރު މޮނިޓަރިންގެ ހާލަތަށް ގެނެވިފައިވާ ކަމަށެވެ.
މާލެ ދަތުރުކުރާ ބޯޓަކުންއައި މީހަކު ޕޮޒިޓިވް ވުމާ ގުޅިގެން ކޮންޓެކްޓް ޓްރޭސިން ހަދާ މިހާރު ފަސް ގެޔެއް މޮނިޓަރިން އަށް ލެވިފައިވާކަމަށް ފަރެސްމާތޮޑާ ކައުންސިލުން މައުލޫމާތު ދެއެވެ. މި ކޭސްއާއި ގުޅިގެން މިހާރު އަންނަނީ ކޮންޓެކްޓް ޓްރޭސިން ހެދުމުގެ މަސައްކަތް ކުރެވެމުންނެވެ.
ރާއްޖޭގައި ކޮވިޑްގެ ހާލަތު ގޯސްވެ ދުވާލަކު ޕޮޒިޓިވްވާ މީހުންގެ އަދަދު 1000 އިން މަތިވެފައި ވަނިކޮށް ރައްކާތެރިކަމުގެ ގޮތުން އަޅާފައިވާ ފިޔަވަޅުތައް ވަރުގަދަ ކުރުމާއެކު ކޮވިޑް ކޭސްތައް މިވަނީ މަދުވާން ފަށާފައެވެ. ކޮވިޑް-19 ފެތުރި ރާއްޖޭގެ އަތޮޅު ތެރޭގެ 70އަށްވުރެ ގިނަ ރަށްވަނީ މޮނިޓަރިންއަށް ލެވިފައެވެ.
