ފުލުހުންގެ ހިދުމަތަށް 89 އަހަރު ފުރުމާއި ގުޅިގެން ދުވަހުގެ މުނާސަބަތުގައި ހުޅުމާލޭގައި މިރޭ ހަވާ އަރުވަން ނިންމައިފިއެވެ.
ފުލުހުން ބުނީ 89 ވަނަ އަހަރީ ދުވަހުގެ މުނާސަބަތުގައި މިރޭ 23:00 ގައި، ހުޅުމާލެ ސެންޓްރަލް ޕާކްގައި ހަވާއެރުވުން ބޭއްވުމަށް ހަމަޖެހިފައިވާކަމަށެވެ.
ފުލުހުންގެ އަހަރީ ދުވަހާއި ގުޅިގެން ރޭގައި ވަނީ އަހަރީ ދުވަހުގެ ބޮޑު ޖަލްސާ ބާއްވާފައެވެ. މި ޖަލްސާގައި ރައީސް އިބްރާހިމް މުހައްމަދު ސޯލިހު ވަނީ ކުލައާއި މެޑަލް ލިބިލެއްވި ފުލުހުންނަށް ކުލައާ މެޑަލް ހަވާލުކޮށްދެއްވާފައެވެ. އަދި މި ޖަލްސާގައި ރައީސުލްޖުމްހޫރިއްޔާ ވަނީ ދިވެހި ފުލުހުންގެ ޚިދުމަތުގެ މޯބައިލް އެޕްލިކޭޝަން ވެސް އިފްތިތާޙް ކޮށްދެއްވާފައެވެ.
