މާލެ ސަރަހައްދުގައި ދިރިއުޅޭ ރައްޔިތުން ޕިކްނިކް ދިއުމަށް ކ. ކުޑަގިރި ފަޅު ހިއްކައިގެން ހަދާ ޕިކްނިކް އައިލެންޑްގައި ކަރަންޓު ނެޓްވޯކް ގާއިމްކުރުމުގެ މަސައްކަތުގެ ދަށުން 3000 މީޓަރުގެ ކޭބަލް ވަޅުލުމުގެ މަސައްކަތް ނިމިއްޖެއެވެ.
މާލެ ކައިރިން ޕިކްނިކް ދާނެ ރަށެއް ނެތުމާއި ގުޅިގެން އެފަދަ ރަށެއް ގާއިމް ކުރުމަކީ ރައީސް އިބްރާހިމް މުހައްމަދު ސާލިހުގެ ވައުދެކެވެ. އެ ރަށް ތަރައްގީކުރުމުގެ މަސައްކަތް 2021 ވަނަ އަހަރުގެ ސެޕްޓެމްބަރު މަހުގެ 1 ވަނަ ދުވަހު ހަވާލުކޮށްފައިވަނީ އެމްޓީސީސީއާއެވެ.
މީގެ އިތުރުންވެސް ރަށުގައި މަގު ބައްތި ޖެހުމާއި ކަރަންޓު ޑިޝްޓްރިބިއުޝަން ނެޓްވޯކް އެޅުމުގެ މަސައްކަތް ވެސް ސްޓެލްކޯއިން ގެންދަނީ ކުރަމުންނެވެ.
ކުޑަގިރީގައި ބޭނުންކުރާ ކަރަންޓުގެ ބޮޑުބައި އިއާދަ ކުރަނިވި ހަކަތަ އުފެއްދުމަށްޓަކައި އެކަމާއި ގުޅުން ހުރި ދިރާސާތައްވެސް ސްޓެލްކޯ އިން ގެންދަނީ ކުރަމުންނެވެ.
