ޕްރޮސެކިއުޓަރ ޖެނެރަލް (ޕީޖީ) އޮފީހުގެ ޕާފޯމެންސް އިވެލުއޭޝަންގައި ފިޓްނަސް ޓެސްޓެއް ހިމަނައިފިއެވެ.
އެކަން ހާމަ ކުރައްވައި ޕްރޮސެކިއުޓަރ ޖެނެރަލް ހުސައިން ޝަމީމްގެ ބްލޮގްގައި ލިއުއްވާފައިވާ ލިއުމެއްގައި ވާ ގޮތުނގައި މި އަހަރުން ފެށިގެން ހަދާ ފިޓްނަސް ޓެސްޓުގައި ބަލާނީ ހިތުގެ ދުޅަހެޔޮ ކަމާއި ގައިގައި ބާރު ހުރި ވަރާއި ފްލެކްސިބިލިޓީ އަދި ބީއެމް އައި އަށް ކަމުގައެވެ.
އެ އޮފީހުގެ މުވައްޒަފުންގެ ފެންވަރާއި އަހުލާގު ބެލުމަށް ކޮންމެ އަހަރަކު މަދުވެގެން އެއް ފަހަރު އިވެލުއޭޝަން ޓެސްޓް ހަދައެވެ.
އެ މުވައްޒަފަކު ފާސްވާ މިންގަނޑު ބަލާނީ އުމުރާއި ދާއިމީ ބައްޔަކަށް ބޭސްކުރާ ނަމަ އެކަން ކަމަށް ބަލައިގެން ކަމުގައި ވެސް ބްލޮގްގައި ޝަމީމް ލިއުއްވާފައިވާ އެ ލިއުމުގައިވެއެވެ.
ފުލުހުންނާއި އެމްއެންޑީއެފްގައި މިހާރުވެސް ފިޓްނަސް ޓެސްޓެއް އޮވެއެވެ.
