ރާއްޖޭގެ 57 ވަނަ މިނިވަންދުވަހާއި ގުޅިގެން ރައީސް އަބްދުﷲ ޔާމީން އަބްދުލް ޤައްޔޫމް މިނިވަން ދުވަހުގެ ތަހުނިޔާ ދިވެހި ޓުވީޓަކުން ފޮނުވައިފިއެވެ.
ރައީސް ޔާމިން ކޮށްފައިވާ ޓުވީޓުގައިވަނީ މިނިވަންކަންމަތީ ދިވެހިރާއްޖެ އަބަދުގެ އަބަދަށް މިނިވަންކަންމަތީ ލެއްވުމަށް އެދިި ދުޢާދަންނަވާފައެވެ. އަދި ޤައުމުގެ ޚާއިނުން ބަލިކުރައްވާ ޤައުމަށް އުފާ ފާގަތި މުސްތަޤްބަލެއް ދެއްވުމަށްވެސް އެދިފައިވެއެވެ.
މިނިވަންކަންމަތީ ދިވެހިރާއްޖެ އަބަދަށްމެ ލަހައްޓަވާށި.ޚާއިނުން ބަލިކަށިކުރައްވާށި.ގައުމަށް އުފާ ފާގަތިކަން މިންވަރު ކުރައްވާށި.އާމީން
— Abdulla Yameen (@prz_ymn) July 26, 2022
ފާހަގަކޮށްލަންޖެހޭ އެއްކަމަކީ ރައީސް ޔާމީން ޓުވިޓާ ބޭނުންފުޅު ކުރައްވަން ފެއްޓެވުމަށްފަހު މި ޓުވީޓަކީ އެމަނިކުފާނު ދިވެހި ބަހުން ކުރެއްވި ފުރަތަަމަ ޓުވީޓެވެ. އާއްމުގޮތެއްގައި އާއްމުންނަށް މާނަ ފަހުމްވުމަށް ދަތިވާފަދަ އިނގިރޭސި ބަސްތަކުން ރައީސް ޔާމިންއައީ ޓުވީޓުކުރައްވަމުންނެވެ. އެކަމާއި ގުޅިގެން އެމަނިކުފާނަށް އާއްމުންގެ ފާޑުކިޔުންތައްވެސް އަމާޒުވެގެން ދިޔައެވެ.
ރައީސް ޔާމިންގެ އިތުރުން އެމްޑީޕީގެ ރައީސް އަދި ރައްޔިތުން މަޖިލީހުގެ ރައީސް މުޙައްމަދު ނަޝީދުވެސް ވަނީ މިނިވަން ދުވަހުގެ ތަހުނިޔާ ޓުވީޓަކުން ފޮނުވާފައެވެ.
Dhivehinakee abadhume minivankamah loabi kuraa baeh. E minivankan hoadhumah adhi dhemehettumah gurubaanvaa baeh. Mi goiy alhugadumen Dhivehin dhuleh nukuraane. Enme Dhivehinnah minivan dhuvahuge thahniya
— Mohamed Nasheed (@MohamedNasheed) July 26, 2022
އެމަނިކުފާނުގެ މިނިވަން ދުވަހުގެ ތަހުނިޔާގެ މެސެޖުގައިވަނީ ދިވެހިންނަކީ އަބަދުމެ މިނިވަންކަމަށް ލޯބިކުރާ ބައެއްކަމަށާއި އެ މިނިވަންކަން ހޯދުމަށް އަދި ދެމެހެއްޓުމަށް ދިވެހިން ޤުރުބާންވާނެކަމަށާއި އެގޮތުގައި އަބަދުވެސް ކުރިއަށްދާނެކަމަށް އެ ޓުވީޓުގައި ވެއެވެ.
