ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ސަރުކާރުގެ އިސް ސަފުގައި ތިއްބެވި ބޭފުޅުން ވަނީ ފައީސާއަށްޓަކައި، އިސްލާމް ދީން ގުރުބާންކޮށްފައިކަމަށް ރައްޔިތުންގެ މަޖިލީހުގެ ފަރެސްމާތޮދާ ދާއިރާގެ މެމްބަރު ހުސައިން މުހައްމަދު ލަތީފް ވިދާޅުވެއްޖެއެވެ.
އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ކޮއްކޮ، ނާޒިމް ސައްތާރު، އެއްޖިންސުން ގުޅުން ހިންގި ކަމުގެ ތުހުމަތުގައި ހައްޔަރު ކުރެވުމާއިއެކު، އެ ޕާޓީގެ ތެރޭގައި އުފެދިފައިވާ ބައިބައިވުންވަނީ ބޮޑު ކޯޅުންގަނޑަކަށް ބަދަލުވެފައެވެ. މި ކޯޅުންގަނޑުގެ ތެރޭގައި، ރައީސް ނަޝީދުވަނީ، ރައީސް ސާލިހު، ޒިނޭކޮށް، ރާބޮމުންދާކަމަށް، ތުހުމަތުތަކެއް ކުރައްވާފައެވެ. އަދި ރައީސް ސާލިހު އެފަދަ އަމަލުތަކެއް ހިންގާ މަންޒަރުތަކެއް ފެންނަ، ފޮޓޯއާއި ވީޑިއޯތަކެއްވެސް ހުރިކަމަށް ރައީސް ނަޝީދު ވިދާޅުވިއެވެެ.
އެމްޑީޕީގެ އިސް ސަފުގައި ތިއްބެވި ބޭފުޅުންތައް، އެކަކު އަނެކަކަށް ކުރައްވަމުންދާ ތުހުމަތުތަކަށް އިޝާރާތްކުރައްވާ، ހުސައިން ވިދާޅުވީ، ރައީސް ސާލިހުގެ ސަރުކާރުގެ ސަަބަބުން، ދިވެހިރާއްޖޭގައި އޮންނަނީ، އިސްލާމީ ދައުލަތެކޭ، ވިދާޅުވާންވެސް ލަދުގަނެފައިވާކަމަށް އެނާ ފާހަގަކުރެއްވިއެވެ. ހުސައިން ވިދާޅުވީ، ދިވެހިރާއްޖައި މިވަގުތު ހިންގަމުންދާ ނޭދެވޭ އަމަލުތަކަކީ، ބަޔަކު މީހުން ރާވައިގެން ހިންގަމުންދާ ކަންކަން ކަމަށެވެ.
ދައުލަތުގެ މުއައްސަސާތަކުގެ ތެރޭގައި ހިމެނޭ ބަޔަކު ރާވައިގެން ދިވެހިރާއްޖޭގެ އިޖްތިމާއީ ފޭރާން ވީދާލުމަށް މަސައްކަތްކުރަމުންދާކަމަށް ފާހަގަކުރައްވާ، ހުސައިން ވިދާޅުވީ، އެފަދަ މަސައްކަތްތަކެއް ހިންގަމުންދާކަން އިންގި ހުރެ، ރައީސް ސާލިހުގެ ސަރުކާރުގައި ތިބި ބަޔަކުވަނީ، ފައިސާތަކެއް ހޯދުމުގެ މަގުސަދުގައި، އެކަމަށް ވާގިވެރިވެ، އިސްލާމް ދީން ގުރުބާންކޮށްފައިކަމަށެވެ. އަދި ރައީސް ސާލިހުގެ ސަރުކާރުން ހިންގާފައިވާ ”ނުބައި ފާހިޝް“ އަމަލުތަކުން އަރައި ނުގަނެވޭނެކަމަށްވެސް އެނާ ފާހަގަކުރެއްވިއެވެ.
Islaamee dhaulathekey bunan ladhu ganna hisaabah kanthah midhiyaee, bayaku raavaigen kuri masahkaithakehge sababun. E masakkiay kuraakan egithibe bayaku vanee Faisaa ahtakaa Dheen ves gurubaan koffa. Harukashi kamah nubai faahish amalu thakun misarukaarah Dhen araeh nuganeveyne.
— Hussain Mohamed Latheef (@HucenSembe) July 29, 2022
ރައީސް ސާލިހުގެ ސަރުކާރަށް، އިސްވެރިން ހިންގާފައިވާ ނުބައި އަމަލުތަކުން އަރައި ނުގަނެވޭނެކަމަށް ހުސައިން މުހައްމަދު ލަތީފް ފާހަގަކުރެއްވި އިރު، ނާޒިމް ސައްތާރު ހައްޔަރު ކުރި މައްސަލައާއި ގުޅިގެން، ރައީސް ނަޝީދުވަނީ، އެމްޑީޕީގެ އިސް ސަފުގައި ތިބި ފަރާތްތަކަށް ގިނަ ތުހުމަތު ތަކެއް ކުރައްވާފައެވެ. ރައީސް ނަޝީދު ވިދާޅުވީ، އެ މަނިކުފާނަށް އިންގިގެން، ރާބޮމުންދާ ފަރާތްތަކާއި، ޒިނޭ ކުރަމުންދާ ފަރާތްތަކާއި، ރިޝްވަތު ނަގަމުންދާ ފަރާތްތަކުގެ ވާހަކަތައް ހާމަކުރުމަށް އެ މަނިކުފާނު ގަސްތުކުރައްވާކަމަށެވެ.
