ފެއިލްވެފައިވާ ސަރުކާރެއް އޮތް ނަމަ، ރައްޔިތުންގެ ޒިންމާއަކަށް ވާން ވާނީ ގާނޫނީ އިމުގެ ތެރެއިން ވެރިކަން ބަދަލު ކުރުން ކަމަށް މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ވިދާޅުވެއްޖެއެވެ.
ކުޑަކުއްޖަކަށް ޖިންސީ ފުރައްސާރަތަކެއް ކުރިކަމުގެ ތުހުމަތުގައި ޓީޗަރެއް ހަވަރަށް ދީފައިވާ މައްސަލައެއް ފެންމަތިވެފައިވާ ދަނޑިވަޅެއްގައި، އާންމުން ނުކުމެ ގާނޫނު އަމިއްލަ އަތް މައްޗަށް ނެގުން ހުއްޓުވަންޖެހޭކަމަށް ޕްރޮސެކިއުޓާރ ޖެނެރަލް ހުސައިން ޝަމީމް ވިދާޅުވެފައިވާ ކަމަށް އިޝާރާތްކުރައްވާ، އާދަމް ޝަރީފް ވިދާޅުވީ، ރާއްޖެވަނީ ބޮއްސުންލާފައިކަމަށެވެ. އަދި އެއްވެސް ބަޔަކަށް ދިވެހިރާއްޖޭގައި ރައްކައުތެރިކަން ކަށަވަރު ނުވާކަމަށްވެސް އެނާ ފާހަގަކުރެއްވިއެވެ.
އާދަމް ޝަރީފް ވިދާޅުވީ، ކުށް ކުރާ މީހުންނަށް ހައްގު އަދަބު ދިނުމަކީ، ސަރުކާރުގެ ޒިންމާއެއް ކަމަށެވެ. އަދި ސަރުކާރުން އަދާކުރަންޖޭހެ ޒިންމާތައް އިންސާފުވެރިކަމާއި އެކު، އަދާ ނުކުރެވޭނަމަ، ގާނޫނީ އިމުގެ ތެރެއިން އެ ވެރިކަމެއް ބަދަލު ކުރުމުގެ ޒިންމާ ރައްޔިތުންގެ މައްޗަށް ލާޒިމްވެފައިވާކަމަށްވެސް އާދަމް ޝަރީފް ވިދާޅުވިއެވެ.
Raajje mivanee bossun laafai. Evves bayakah rakkaatherikameh neiy. Kuhkuraa meehunnah haqqu adhabu dhinumakee sarukaaruge zimmaaeh. Ekan insaafuverikamaaeku nukureemaa, rayyithunge zimmaa akah vaanvaanee qaanoonee imugetherein verikan badhalu kurun. https://t.co/bkh18GkGtH
— Adam Shareef Umar (@Adamshareefz) August 25, 2022
Qaanoonthah negehettumugai sarukaaru failvejje. Aniyaakoh, meehun meriyas alhaanulaanekan kashavaruve, qaanoonthakaai qavaaidhuthakah amalukurumugai, eki meehunnah ekigothah amalukurun ginave, qaumuge ijuthimaaee feyraan midhanee kudhikudhivamun! V dhera! https://t.co/FMsFT9AlSn
— Adam Shareef Umar (@Adamshareefz) August 23, 2022
މީގެ އިތުރުންވެސް އެހެން ފުރުސަތެއްގައި އާދަމް ސަރީފްވަނީ ދާދި އެއްކަހަލަ ބަހުގެ ހަމަލާތަކެއް ސަރުކާރަށް ރައްދު ކުރައްވާފައެވެ. އެގޮތުން އެނާ ވިދާޅުވެފައިވާގޮތުން، ގާނޫނު ނެގެހެއްޓުމުގައި ސަރުކާރުވަނީ ފެއިލްވެފައިއެވެ. އަދި އަނިޔާކޮށް، މީހަކު މެރިނަމަަވެސް ސަރުކާރުން އަޅާ ނުލާނެކަމަށާއި، އެކި މީހުންގެ މައްޗަށް އިންސާފު ގާއިމު ކުރަނީ އެކި އުސޫލުގެ ދަށުންކަމަށް ދޭހަވާ މޭރުމަކުންވެސް އާދަމް ޝަރީފްވަނީ ފާޑުވިދާޅުވެފައެވެ.
