ދައްކާ ވާހަކައަކުން ނުވަތަ ކުރު މުއްދަތަކުން އިސްލާހީ މަސައްކަތެއް ނުކުރެވޭނެކަމަށް ހޯމް މިނިސްޓާ އިމްރާން އަބްދުﷲ ވިދާޅުވެއްޖެއެވެ.
އަދާލަތު ޕާޓީގެ ރައީސްކަންވެސް ކުރައްވަމުންގެންދަވާ އިމްރާން ރޭ ކުރެއްވި ޓުވީޓެއްގައި ވިދާޅުވެފައިވަނީ އިސްލާހީ މަސައްކަތަކީ ހަމައެކަނި ވާހަކަދެއްކުމަކުން ނުވަތަ ކުރު މުއްދަތަކުން ވާނެ ކަމެއް ނޫންކަމަށެވެ. އަދި އިސްލާހީ މަސައްކަތްތަކަކީ މަދު މަސައްކަތަކުންވެސް ވާނެކަމެއް ނޫންކަމަށް އިމްރާން ކުރެއްވި ޓުވީޓުގައި ވަނީ ފާހަގަކުރައްވާފައެވެ.
ހެޔޮ ބަދަލެއް ގެނެވޭނީ އެއް އަމާޒަކަށް ދިގު މުއްދަތަކަށް ފޫހިކަމެއް ނުވަތަ ވަރުބަލިކަމެއް ނެތި ކުރެވޭ ގިނަ ބުރަ މަސައްކަތުންކަމަށް އިމްރާން ވަނީ ވިދާޅުވެފައެވެ.
Islahee masahkathakee hama ekani vaahaka dhekkumakun nuvatha kuru muhdhathehge madhu masahkathakun vaane kameh nooneve.heyo badhaleh geneveynee eh amaazakah,dhigumuhdhathakah,foohikameh varubalikamehnethi kurevey gina,bura masahkathunneve.
— Imran Abdulla (@ShimranAb) August 31, 2022
މީގެ ކުރީގައި އިމްރާން ވަނީ ޓުވީޓެއް ކުރައްވާ ގައުމުގެ ހާލަތު ނުބައިކުރީވެސް އަމިއްލައަށްކަމަށް ވިދާޅުވެފައެވެ.
Qaumehge haalath rangalhuvaaneeves,nuvatha nubaivaaneeves ebayaku amilla ah haalath badhalukurumunneve.Raajjeygai rangalhu nuvatha ISLAAHU kuran huri kan kan vv ginaeve.Namaves haqeegathugaives ISLAAHU kuran masahkaiy kuranee kithah meehun heyyeve?
— Imran Abdulla (@ShimranAb) August 9, 2022
އިމްރާން ވިދާޅުވީ، ރާއްޖޭގައި ރަނގަޅު ނުވަތަ އިސްލާހު ކުރަން ހުރި ކަންކަން ވަރަށް ގިނަކަމަށެވެ. ނަމަވެސް ހަގީގަތުގައި އެކަންތައްތައް އިސްލާހު ކުރަން މަސައްކަތް ކުރަނީ ކޮން ބައެއްތޯ އިމްރާން ވަނީ ސުވާލުކުރައްވާފައެވެ.
އިމްރާނަކީ ފުލުހުންގެ މުއައްސަސާ އަދި ގާނޫނު ތަންފީޒު ކުރުމުގެ ޒިންމާ އޮތް ގިނަ މުއައްސަސާތަކެއްގެ ބަލަދުވެރި ވަޒީރެވެ. އެހެންކަމުން މިކަންކަމުގެ ޒިންމާ ނަގާ އިސްލާހު ކުރަން ޒިންމާމަތިވެފައިވާ ބޭފުޅަކީ އިމްރާންކަމަށް ފާހަގަކޮށް ގިނަ ބަޔަކު އަންނަނީ އޭނާއަށް ފާޑު ކިޔުން އަމާޒުކުރަމުންނެވެ.
