ޔޯގާ ދުވަސް ފާހަގަ ކުރުމަށް ގަލޮޅު ދަނޑުގައި ބޭއްވުނު ހަރަކާތުގައި ހިންގި ހަމަނުޖެހުންތަކުގައި ބައިވެރިވިކަމަށް ބުނެ ހައްޔަރުކުރުމަށްފަހު ދޫކޮށްލާފައިވާ ދީނީ އިލްމުވެރިޔާ އައްޝައިހް ފަޟްލޫން މުހައްމަދު އަނެއްކާވެސް ފުލުހަށް ހާޒިރުވުމަށް އަންގައިފިއެވެ.
މިއަދު ޝައިޙް ފަޟްލޫން ކުރެއްވި ޓްވީޓެއްގައި ވިދާޅުވީ ފުލުހުންގެ ތަހްގީގަށް މިއަދު ހާޒިރުވުމަށް އަންގައިފާކަމަށެވެ.
އޭގެއިތުރަށް ފަޟްލޫން ވަނީ ހައްޔަރުގައި ދިގު ދެއްމިޔަސް އަދި ހިތު ހުރި ގޮތަކަށް އަމަލު ކުރި ނަމަވެސް ކެތްތެރިކަން ދެއްވުމަށާއި އަނިޔާވެރިވީ މީހުންގެ މައްޗަށް ނަޞްރު ދެއްވުމަށް އެދި މާތް ﷲ ގެ ހަޟްރަތުން ދުއާ ދަންނަވާފައެވެ.
Thahugeegah miadhu police ah haaziruvumah angaifi.
Mi hayyaruga dhigu dhemmiyas, hithu huri gotheh hedhiyas,
ربنا أفرغ علينا صبرا وثبت أقدامنا وانصرنا على القوم الظالمين.
— Fazloon Bin Muhammad (أبو عبد الرحمن الملندوي) (@fzlunx) September 1, 2022
ޔޫތު މިނިސްޓްރީ އާއި އިންޑިއާ ހައި ކޮމިޝަނާއި އިންޑިއަން ކަލްޗަރަލް ސެންޓަރު ގުޅިގެން މިދިޔަ ޖުލައި މަހުގެ 21 ވަނަ ދުވަހު ގަލޮޅު ދަނޑުގައި ބޭއްވި މިހަރަކާތް ކުރިއަށްދިޔަ ވަގުތު އެ ތަނަށް ވަދެ ހަމަނުޖެހުން ހިންގި ކަމަށް ތުހުމަތުކޮށް ޝެއިޚް ފަޟްލޫން ހައްޔަރުކޮށްފައިވަނީ ޖުލައި މަހުގެ 22 ވަނަ ދުވަހުގެ ރޭގަނޑުގެ ވަގުތެއްގައެވެ.
އެގޮތުން އެ ކޯޓުން ޝަރުތު ކޮށްފައިވަނީ، މާލެއިން އަދި ރާއްޖެއިން ބޭރަށްދާނަމަ ކޯޓަށް އެންގުމަށާއި, އެޑްރެސް ބަދަލުވެއްޖެނަމަ އެކަން ވެސް އެންގުމަށާއި, ފުލުހުންގެ ތަޙްޤީޤަށް އެއްބާރުލުން ދިނުމަށެވެ.
