އައްޑޫ މީދޫ ދާއިރާގެ މެމްބަރު ރޮޒައިނާ އާދަމް އުޅުއްވަނީ ”އަންހެން ކާޑު“ ކުޅުއްވުމަށް ކަމަށް މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދު ވިދާޅުވެއްޖެއެވެ.
އަންހެނުންނަށް ކުރާ އަނިޔާ ހުއްޓުވުމަށް ފާހަގަކުރާ ބައިނަލްއަގުވާމީ ދުވަހާ ގުޅިގެން ރޮޒައިނާ ނެރުއްވި ބަޔާނުގައި، ސޯޝަލް މީޑިއާގައި ސިޔާސީ މަސައްކަތް ކުރާ އަންހެނުންނާއި އަންހެން އެކްޓިވިސްޓުންނަށް ކުރާ ނަފްސާނީ އަނިޔާގެ ސަބަބުން ސިޔާސީ މައިދާނުގެ ތެރެއިން ހުރަސްތަކެއް އެޅިގެންދާކަމަށް އިޝާރާތްކުރެއްވުމާއި އެކު ވަހީދުވަނީ އެކަމާއި ނުރުހުން ފާޅުކުރައްވާފައެވެ.
އުޅޭ ހަޑިހުތުރު ގޮތް ފޮރުވަން ކޮންމެހެން ‘އަންހެން ކާޑު’ ކުޅެން ނުހަދާ. ދެން އެންމެންނަށްވެސް މިހާރު ތިޔަ ޑްރާމާ އެނގޭ. @Roxeyna https://t.co/bbOoFU2X6r
— Waddey (@waddey_) November 25, 2022
ވަހީދު ވިދާޅުވީ، ރޮޒައިނާއަކީ ”ހަޑިހުތުރު“ ކޮށް އުޅުއްވާ ބޭފުޅެއްކަމަށެވެ. އަދި އެނާ އުޅުއްވަނީ އުޅުއްވާ ގޮތް ފުރުމަށްކަމަށާއި އެހެންކަމުން ”އަންހެން ކާޑު“ ކުޅުއްވުމަށް މަސައްކަތް ކުރައްވަމުންދާކަމަށް ފާހަގަކުރައްވާ އެނާ ވަނީ އެ ކާޑު ކުޅެން ނޫޅުއްވުމަށާއި ރޮޒައިނާ ކުޅުއްވާ ”ޑްރާމާ“ އެންމެނަށްވެސް އެނގޭކަމަށް ވިދާޅުވެފައެވެ.
