އިދިކޮޅު ކޮންގްރެސް ކޯލިޝަނުގެ އިސް ލީޑަރުން ރާވައިގެން، ރައީސް ނަޝީދުގެ ކެމްޕެއިން އިވެންޓުތަކަށް އެ ޕާޓީގެ މެމްބަރުން ފޮނުވަމުންދާކަމަށް އައްޑޫ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީއަށް އިދިކޮޅު ކޯލިޝަނުން ނުފޫޒު ފޯރުވުމަށް މަސައްކަތްކުރަމުންދާކަމަށް ފާހަގަކުރައްވާ، ޝަރީފް ވިދާޅުވީ، ރާވައިގެން ކަންކަން ކުރަމުންދަނީ އެމްޑީޕީއަށް ރިޔާސީ އިންތިހާބު ނާކާމިޔާބުކޮށްލުމުގެ މަގުސަދުގައިކަމަށެވެ. އެނާ ވިދާޅުވީ، އެމްޑީޕީގެ މެމްބަރުން އެކަމަށް ސަމާލުވާންޖެހޭކަމަށެވެ.
PPM ge is leadership in PPM kudhin @MohamedNasheed event thakah fonuvaa campaign koh dhenee MDP riyaasee inthikhaabu ga bali kollumuge reyvumuge dhashun,mikamah MDP member in samaalu vaan jehey
— Ibrahim Shareef (@AdduShareef) January 14, 2023
ޝަރީފް ވިދާޅުވީ، އެމްޑީޕީއަށް ރިޔާސީ އިންތިހާބު ކާމިޔާބު ކުރެވެން އޮތީ ތަފާތު ފިކުރުގެ ސިޔާސީ ލީޑަރުންނާއިއެކު ކޯލިޝަން ހަދަން ޖެހުމުން އެކަން ކުރެއްވޭނެ ބޭފުޅަކަށް ޕްރައިމަރީ ކާމިޔާބު ކުރެވިގެންކަމަށެވެ. އެހެން ނޫންނަމަ އަނެއްކާވެސް އެމްޑީޕީއިން ކުރިއަށް އޮތް ފަސް އަހަރު ހޭދަކުރަންޖެހޭނީ މަގުމަތީގައިކަަމަށް އެނާ ވިދާޅުވިއެވެ.
މަރަދޫ ދާއިރާގެ މެމްބަރުގެ އިތުރުން އެމްޑީޕީގެ ރައީސްކަން ކުރައްވާފައިވާ ޑރ ޑީޑީވެސް ވަނީ އިދިކޮޅު ކޯލިޝަނުން ރިޔާސީ ޕްރައިމަރީއަށް ނުފޫޒު ފޯރުވާކަމަށް ތުހުމަތުކުރައްވާފައެވެ. އެހެންނަމަވެސް އާދަމް ޝަރީފް ވަނީ އެ ތުހުމަތުތައް ދޮގުކުރައްވާފައެވެ. އެނާ ވިދާޅުވީ، އިދިކޮޅު ކޯލިޝަނުން އެއްވެސް ކެނޑިޑޭޓަކަށް ކެމްޕެއިންކޮށްދޭންޖެހޭ އެއްވެސް ސަބަބެއް ނެތްކަމަށެވެ.
One Response
މަވޯޓާވެސް ކޮންމެވެސް ހުރިހާ އޮޑިއަކަށް ފައިލައިގެން ނުގުރެ އިބޫއަށް ތާއީދު ހޯދަން އުޅެ. ޢެހެންމީހުންގެ ވާހަކަ ނުދައްކާ