އެމްޑީޕީގެ ރައީސް އަދި މަޖިލީހުގެ ރައީސް މުހައްމަދު ނަޝީދުގެ ”ފިކުރެއްގެ ދިރުން“ އޮތީ އެމްޑީޕީއިން ވަކިވެގަތުމަށް ތައްޔާރުވެފައިވަމަށް މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
ޖުމްހޫރީ ޕާޓީއިން އިސްވެ އޮވެ ރިޔާސީ އިންތިހާބުގައި ވާދަކުރުމަށް ނިންމައި، ފިކުރެއްގެ ދިރުމާއި އެ ޕާޓީގެ ޕީޖީ ގުރޫޕެއް އެކުލަވާލުމުގެ މަސައްކަތްތައް ކުރިއަށްދާއިރު، އިބްރާހިމް ޝަރީފް ވަނީ އެ ފެކްޝަނަށް ފާޑުވިދާޅުވެފައެވެ. ޝަރީފް ވިދާޅުވީ، ރައީސް ނަޝީދުގެ ފެކްޝަން އޮތީ ޕީޕީއެމްގެ ތެރެއިން އެމްއާރްއެމް ވަކިވިގޮތަށް ވަކުމުވަށް ވައްތާރުވެފައިކަމަށެވެ.
އޭނާ ވިދާޅުވީ، ފިކުރެއްގެ ދިރުމުގެ އަމާޒަކީ ރައީސް ނަޝީދަށް ވެރިކަން ނުލިބޭނަމަ އެމްޑީޕީއަށް ވެރިކަން ގެއްލުވާލުންކަމަށެވެ. އެހެންކަމުން އެ ޕާޓީގެ މެމްބަރުން ސަމާލުވުމަށް އެނާ އެދިވަޑައިގަތެވެ.
FikureggeDhirun vanee PPM therein MRM vakivi gothah adhi DRP therein Z-faction vakivi gothah MDP in vaki vegathumah thayyaaru vefa. @MohamedNasheed ah verikan nulibey nama @MDPSecretariat ah verikan gelluvaalun FikureggeDhirun ge amaazakee. MDP memberun samaalu vaan vejje
— Ibrahim Shareef (@AdduShareef) March 15, 2023
އެމްޑީޕީގެ ތެރޭގައި ބޮޑެތި މައްސަލަތައް އުފެދިފައިވާ އިރު ރައީސް ނަޝީދަށް ތާއީދުކުރާ ފަރާތްތައް ސަރުކާރުގެ މަގާމުތަކުގައި ތިއްބެވިކަމަށް ޝަރީފް ފާހަގަކުރެއްވިއެވެ. އަދި ސަރުކާރުގެ ސިޔާސީ މަގާމުތަކުގައި ސަރުކާރާއި ދެކޮޅަށް މަސައްކަތްކުރާ ބަޔަކު ތިބުމުން ސަރުކާރު ހިންގާނެ ގޮތާއިމެދު އެނާ ސުވާލުއުފެއްދެވިއެވެ.
ޝަރީފް ވިދާޅުވީ، ސަރުކާރެއް ހެޔޮ ގޮތުގައި ހިންގޭނީ އެއް އަމާޒަކަށް ރައީސްގެ ސިޔާސަތުތައް ތަންޒީފުކުރާނެ ބަޔަކު ސިޔާސީ މަގާމުތަކުގައި ތިއްބަވައިގެންކަމަށެވެ. އެހެންކަމުން ރައީސް ސާލިހާއި ދެކޮޅަށް މަސައްކަތްކުރަމުންދާ ބަޔަކު މަގާމުތަކުގައި ބައިތިއްބައިގެން ސަރުކާރު ހިންގުން ވަރަށް ދަތިކަމަކަށްވެގެންދާކަމަށް އޭނާ ވިދާޅުވިއެވެ.
