ފޮރިން މިނިސްޓަރު އަބްދުﷲ ޝާހިދު ޗައިނާ އިންޓާރނޭޝަނަލް ޑިވެލޮޕްމެންޓު ކޯޕަރޭޝަން އެޖެންސީގެ ޗެއަރޕާސަންގެ ނައިބު ޑެންގް ބޯކިންގް އާއީ ބައްދަލުކުރައްވައިފިއެވެ.
މިނިސްޓަރު ޝާހިދު ކުރެއްވި ޓްވީޓެއްގައި އެމަނިކުފާނުވަނީ ދިވެހިރާއްޖޭގެ ހާރިޖީ މަސައްކަތްތަކުގެ ތެރޭގައި ޗައިނާ އާއި އެކު ކުރެވެމުންދާ މަސައްކަތްތައް ހިއްސާކުރައްވާފައެވެ. ޑެންގް ބޯކިންގް އާއި ބައްދަލުކުރެއްވިފައިވާކަމާއިމެދު އުފާ ފާޅުކުރައްވާކަމަށް މިނިސްޓަރު ވިދާޅުވިއެވެ.
ޝާހިދު ވިދާޅުވީ، ރާއްޖޭގައި މިވަގުތު ކުރިއަށް ގެންދާ މަޝްރޫޢުތަކާއި ގުޅޭގޮތުން ފުރިހަމަ މަޝްވަރާއެއް ކުރެވިފައިވާކަމަށެވެ. އަދި ކުރިއަށް އޮތް ދުވަސްތަކުގެ ތެރޭގައި ޗައިނާ އަދި ރާއްޖެ ގުޅިގެން މަސައްކަތްތައް ކުރުމަށް އުންމީދު ކުރާކަމަށާއި، ދެ ގައުމުގެވެސް މަސްލަހަތު ހިމެނޭހެން ގެނައުމަށް ބޭނުންވާ ކުރިއެރުންތައް ހާސިލު ކުރުމަށް އުންމީދުކުރައްވާކަމަށްވެސް ވިދާޅުވިއެވެ.
It was a pleasure to meet with the Vice-Chairman of @cidcaofficial Deng Boqing, today.
Had an excellent discussion about ongoing projects in the Maldives, and look forward to future collaboration between 🇲🇻 & 🇨🇳 in achieving our shared developmental goals. pic.twitter.com/SLwt4qHoRQ
— Abdulla Shahid (@abdulla_shahid) April 2, 2023
ރިޔާސީ އިންތިހާބު ގާތްވެފައިވާއިރު، ރައީސް ސާލިހު އަދި މިނިސްޓަރު ޝާހިދުވެސް ގެންދަވަނީ ގިނަ އަދަދެއްގެ ބޭރު ގައުމުތަކުގެ އިސްވެރިންނާއި ބައްދަލުކުރަމުންނެވެ. އިދިކޮޅު ބައެއް ފަރާތްތަކުން ބުނާގޮތުން ސަރުކާރުން މަސައްކަތްކުރަމުންދަނީ ބޭރުގެ އެހީ އާއިއެކު އިންތިހާބަށް ނޫފުޒު ފޯރުވަންކަމަށްވާއިރު، ހަރަދު ކުޑަކުރުމަށް އަނގައި ފިނޭންސްގެ ސާކިއުލާއެއް ނެރިފައިވާއިރު، ދަތުރުތައް ކުރަމުންދިއުމާއި ގުޅިގެންވެސް ސަރުކާރަށްވަނީ ގިނަ ފާޑުކިޔުންތައް އަމާޒުވެފައެވެ.
advertisment