ގުރައިދޫ ދާއިރާގެ ބައި އިލެކްޝަނުގައި ވޯޓުލުމުގެ ވަގުތު އިތުރުކުރީ، އިންތިހާބު އެމްޑީޕީއަށް ކާމިޔާބުނުވެދާނެތީ ޖަރީމާ ހިންގުމަށްކަމަށް ޕީޕީއެމްގެ ނައިބު ރައީސް އަހުމަދު ޝިޔާމް ތުހުމަތުކުރައްވައިފިއެވެ.
ގުރައިދޫ ދާއިރާގެ ބައި އިލެކްޝަނުގެ ވޯޓުލުން ކުރިއަށް ގެންދިއުމަށް ހަމަޖެހިފައިވަނީ ހެނދުނު 08:00 އިން ހަވީރު 04:00 އަކަށެވެ. މިހާރު ވަގުތު އިތުރުކޮށްފައިވާއިރު، ޝިޔާމް ކުރެއްވި ޓުވީޓެއްގައި ވިދާޅުވެފައިވަނީ ގުރައިދޫ ދާއިރާގެ ބައި އިލެކްޝަނުގެ ވޯޓުލުން 5 އަކާއި ހަމައަށް ކުރިއަށް ގެންދަން ނިންމީ ޕީޕީއެމްއާއި އެއްވެސް މަޝްވަރާއެއް ނުކޮށްކަމަށެވެ.
ޝިޔާމް ތުހުމަތުކުރައްވާފައިވާ ގޮތުގައި މިއީ ސީދާ ވޯޓުން ސަރުކާރު ބަލިވާނެކަން އެނގޭތީ ޖަރީމާ ހިންގަން ކުރިކަމެކެވެ.
Guraidhoo by-election ge vote lun 5:00 aa hama ah kuriyah gendhan nimmee PPM aa evves varakah mashvara nukoh. Mee seedha votun sarukaaru balivaane kan engeythee jareema hingan kuri kameh. Gadi ithuru kuran nimmi nimmu PPM in balainugannan 😡. @ElectionsMv
— Ahmed Shiyam (@Shiyamaldives) April 15, 2023
ޝިޔާމް ވިދާޅުވެފައިވަނީ ގަނޑި އިތުރުކުރަން ނިންމި ނިންމުން ޕީޕީއެމްއިން ބަލައި ނުގަންނަންކަމަށެވެ.
ކ. ގުރައިދޫ ދާއިރާގެ ރައްޔިތުންގެ މަޖިލީހުގެ ބައި އިލެކްޝަނުގައި ތިން ބޭފުޅަކު ވާދަކުރައްވައެވެ.
އިންތިހާބުގައި ޕީޕީއެމްގެ ޓިކެޓުގައި ވާދަ ކުރައްވަނީ، ދާއިރާގެ މެމްބަރަކަށް ހުންނެވި ރިޒާގެ ކޮއްކޮ ހުސެއިން ރިޒާ އެވެ. އެމްޑީޕީ ޓިކެޓުގައި ވާދަ ކުރައްވަނީ، ޕާޓީގެ ދާއިރާގެ ރައީސެއްގެ މަގާމު އަދާކުރަމުން އައި އިބްރާހިމް ޝާޒެވެ. އެމްއެންޕީގެ ޓިކެޓުގައި ވާދަ ކުރައްވަނީ، އަލީ އާރިފެވެ.
މިއީ މަޖިލީހުގެ 19 ވަނަ ދައުރަށް ބައި އިލެކްޝަނެއް ބާއްވާ ދެވަނަ ފަހަރެވެ. މީގެ ކުރިން ބޭއްވީ ކޮމަންޑޫ ދާއިރާގެ މެމްބަރަކަށް ހުންނެވި ހުސެއިން ވަހީދު އަވަހާރަވުމުން އެ ދައިރާގެ ބައި އިލެކްޝަނެވެ.
advertisment