މިއަހަރުގެ ފިތުރު އީދު ދުވަހަކީ ހުކުރުދުވަސް ކަމަށް އިސްލާމިކް މިނިސްޓްރީން އިއުލާންކޮށްފިއެވެ.
ޝައްވާލު މަހުގެ ހަނދު ސާބިތު ކުރުމަށް އިސްލާމިކް މިނިސްޓްރީގައި ބޭއްވި ރަސްމިއްޔާތުގައި އިސްލާމިކް މިނިސްޓަރު ޑރ އަހުމަދު ޒާހިރު ވިދާޅުވީ މިއަދު އިރުއޮއްސުނު ވަގުތު، ރާއްޖޭގެ ހުރިހާ ސަރަހައްދަކަށާއި އިސްލާމީ ހުރިހާ ގައުމަކަށްވެސް ޝައްވާލް މަހުގެ ހަނދު ފެންނަން ހުންނާނެ ކަމަށް އިތުބާރު ހުރި ފަލަކީ އިލްމުން އެނގޭ ކަމަށާއި ބައެއް އިސްލާމީ ގައުމުތަކަށް ހަނދުފެނިފައިވާ ކަމުގެ މައުލޫމާތު ރަސްމީ ގޮތުން ލިބިފައިވާ ކަމަށެވެ.
1444ވަނަ އަހަރުގެ ފިޠުރު ނަމާދު ބޮޑު ޖަމާއަތުގައި ކުރާ ސަރަޙައްދުތައް pic.twitter.com/NVfekNfgAd
— Ministry of Islamic Affairs (@MVIaffairs) April 20, 2023
އިސްލާމިކް މިިނިސްޓްރީން ބުނީ މޫސުންތަންދޭ ނަމަ މާދަމާ ފިތުރު އީދު ނަމާދު ބޮޑު ޖަމާއަތުގައި ކުރުމަށް ހަމަޖެހިފައިވާ ކަމަށެވެ. މާލޭގައި ބޮޑު ޖަމާއަތުގައި ފިތުރު އީދު ނަމާދު ކުރުމަށް ހަމަޖެހިފައިވަނީ މާފަންނު ސްޓޭޑިއަމްގެ އިތުރުން އިސްލާމީ މަރުކަޒު މައިދާނާއި ކިންގް ސަލްމާން މިސްކިތުގެ ގޯތި ތެރޭގައެވެ. އަދި ހުޅުމާލޭގައި ބޮޑު ޖަމާއަތުގައި ފިތުރު އީދު ނަމާދު ކުރުމަށް ހަމަޖެހިފައިވަނީ ފޭސް 1 ގައި ސިންތެޓިކް ޓްރެކް ސަރަހައްދު، ފޭސް 2 ގައި ކްރިކެޓް ސްޓޭޑިއަމް ސަރަހައްދުގައެވެ.
ވިލިމާލޭގައި ފިތުރު އީދު ނަމާދު ބޮޑު ޖަމާއަތުގައި ކުރުމަށްހަމަޖެހިފައިވަނީ ބޯޅަދަނޑުގައެވެ.