މިނިސްޓްރީ އޮފް ފޮރިން އެފެއަރޒްއިން ރާއްޖޭގެ މަސްލަހަތު ހިމާޔަތްކުރުމުގައި ހޯދާފައިވާ ކާމިޔާބީއަށް އެމްޑީޕީގެ ޗެއަރޕާސަަން އިކޮނޮމިކް މިނިސްޓަރު ފައްޔާޒު އިސްމާއިލް މަރުހަބާ ވިދާޅުވެއްޖެއެވެ.
އިޓްލޮސްގައި ކުރިއަށް ގެންދިޔަ ޗާގޮސްގެ މައްސަލައިގައި، ރާއްޖޭގެ ދެކުނުން ބައެއް ނުގެއްލޭ ގޮތަށް ނިމުމާއިއެކު އުފާ ފާޅުކުރައްވާ ކުރެއްވި ޓްވީޓެއްގައި ފައްޔާޒުވަނީ މިނިސްޓްރީ އޮފް ފޮރިން އެފައަރޒް އަކީ ފޮރިން ފައުޖު ކަމަށް ވިދާޅުވެފައެވެ. އޭނާ ވިދާޅުވީ، މިނިސްޓްރީ އޮފް ފޮރިން އެފެއަރޒްއަކީ ރާއްޖޭގެ ހިމާޔަތުގެ އެންމެ އިސް ސަފުކަމަށެވެ. އަދި ބައިނަލްއަގުވާމީ މައިދާންތަކުގައި ރާއްޖޭގެ މަސްލަހަތު ހިމާޔަތްކުރުމަށްޓަކައި ހަމަލިދިނުމުގެ އިސް ސަފަކީވެސް އެ މިނިސްޓްރީކަމަށް ފައްޔާޒް ވިދާޅުވިއެވެ.
އޭނާ ވިދާޅުވީ، ހާއްސަ ގޮތެއްގައި ފޮރިން މިނިސްޓަރު އަބްދުﷲ ޝާހިދަށް މަރުހަބާ ރައްދުކުރައްވާކަމަށެވެ. ފައްޔާޒު ވިދާޅުވީ، ޝާހިދު ރާއްޖެއަށް ހޯއްދަވަމުންދާ އެއްހަމަ ނުކުރެވޭ ފާހަގަކޮށްލެވޭ ކާމިޔާމީތަކަށް މަރުހަބާ ވިދާޅުވާކަމަށެވެ.
Congratulations to our foreign Fauju @MoFAmv the first line of defence and attack to maintain our interest in the international arena and specially to foreign Minister @abdulla_shahid for the remarkable and unmatched achievements he continues to deliver. 👏👏👏
— Fayyaz Ismail (@faya_i) April 28, 2023
ފައްޔާޒުގެ ތައުރީފު ފޮރިން މިނިސްޓްރީއަށާއި މިނިސްޓަރު ޝާހިދަށް ރައްދުކުރެއްވިއިރު، ރާއްޖޭގެ ބައެއް ގެއްލިގެންދިއުމުގެ ބިރުހީވެފައިވާކަމަށް ބުނެ އިދިކޮޅުން ބުނަމުންދަނިކޮށެވެ. އިޓްލޮސް އިން އެ މަައްސަލައިގައި ނިންމާފައިވަނީ ރާއްޖޭގެ ސަރުކާރުގެ ހުށައެޅުންތަކާއި އެއް ކޮޅަށެވެ.