ރާއްޖޭގެ ދެކުނު ކަނޑުގެ ސަރަހައްދުން ރާއްޖެ ބޭނުންވި ގޮތަށް މިއަދު އިން ކަނޑައެޅުމުގައި ރާއްޖެ އަށް ކާމިޔާބުވީ ބައިނަލްއަގްވާމީ އުސޫލުތަކަށް ފުރިހަމަ އަށް ބޯލަނބައިގެން ކުރިއަށް ދިއުމުން ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެ އެވެ.
ރާއްޖެއާއި ޗާގޮސް އާކިޕެލާގޯއާ ދެމެދު ކަނޑުގެ އިން ވަކި ކުރުމާ ގުޅޭގޮތުން އިންޓަރނޭޝަނަލް ޓަްރައިބިއުނަލް ފޯރ ދަ ލޯ އޮފް ދަ ސީގެ ސްޕެޝަލް ޗެމްބާރއިން މިއަދު ނިންމި ނިންމުމާ ގުޅޭގޮތުން ކެބިނެޓުގެ ޚާއްސަ ބައްދަލުވުމެއް މިރޭ ރައީސުލްޖުމްހޫރިއްޔާ @ibusolih ބާއްވަވައިފި.…
— Abdulla Shahid (@abdulla_shahid) April 28, 2023
ރާއްޖެއާއި ދެކޮޅަށް މޮރިޝަސްއިން މައްސަލަ ހުށަހަޅާފައި ވަނީ އިގްތިސާދީ ހާއްސަ ސަރަހައްދާއި، ކޮންޓިނެންޓަލް ޝެލްފްގެ ބައުންޑްރީ ކަނޑައަޅައިދިނުމަށެވެ.
މައްސަލައިގައި ގޮތެއް ނިންމުމަށް ކުރިޔަށް ދިޔަ ހުކުމް މަޖިލީހުގައި އިޓްލޮސްއިން ނިންމާފައިވާ ފުށު އަރާބައި އިކުއިޑިސްޓެންސްގެ އުސޫލުން ބަހާލުމަށެވެ. ޗާގޮސްގެ ސިޔާދަތީ ބާރުގެ މައްސަލަ ޒަމާނުއްސުރެ ފެންމަތިވެފައިވާތީ، އެތަނުގެ އިން އެއްވެސް އިރެއްގައި ވަކިކޮށްފައި ނެތެވެ. ސަރަހައްދީ އިން ވަކި ކުރުމުގައި އެއްބަސް ނުވެވޭ ހާލަތެއްގައި، ދެން އަމަލު ކުރަން ޖެހެނީ އިކުއިޑެސްޓެންސަށް ބަލައިގެންނެވެ.
މައްސަލަ ހުށަހަޅައި މޮރިޝަސް ބުނީ، ބޭސް ޕޮއިންޓް ކަނޑައަޅަން ފަށާ ހިސާބަކީ ތިލަ ދިޔަވަރުގައި ފެންނަން އޮތް ބެލެންހެމް ރީފްއިން ފެށިގެން ކަމަށެވެ. އެކަމަކު އެއަށް ދެކޮޅު ހަދައި ރާއްޖެއިން ބުނީ ބައިނަލްއަޣުވާމީ ހަމަތަކުފެ ދަށުން ތިލަ ދިޔަވަރުގައި ފެންނަން އޮތް ފަރަކުން ބޭސް ޕޮއިންޓު ކަނޑަނޭޅޭނެ ކަމަށެވެ. ރާއްޖޭގެ އެ ނުކުތާއަށް ހުކުމުގައި ތާއީދުކޮށްފައި ވެއެވެ.
މިއަދު ނިންމި ނިންމުމާއި ގުޅޭގޮތުން ކެބިނެޓު ބައްދަލުވުމެއް ބޭއްވުމަށް ހަމަޖެހިފައިވާކަން ހާމަކޮށް، މިއުވާން ވިދާޅުވީ އެ ބައްދަލުވުމުގައި އަލިއަޅުއްވާނީ ރާއްޖޭގެ މެރިޓައިމް ބައުންޑަރީގެ ޑީލިމިޓޭޝަން އާއިމެދު އިޓްލޮސްއިން ނިންމާފައިވާ ނިންމުމުގެ މައްޗަށްކަމަށެވެ.