އިޓްލޮސްގެ ނިންމުމާއި ރައީސް ނަޝީދު ދެކޮޅު !

ޗާގޮސް އަތޮޅުތަކުގެ ސިޔާދަތީ ބާރު ރާއްޖެއިން ދޫކޮށްލުމުން، މިހާރު މިވަނީ ރާއްޖޭގެ ކަނޑުގެ ސަރަހައްދުން ބައެއް ގެއްލިފައި ކަމަށް ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.

ރައިސް ނަޝީދު ވިދާޅުވީ އެކަން ބަލައިނުގަތުމަކީ ރާއްޖެއަށް ރަނގަޅު ގޮތް ކަމަށެވެ.

Chagos Atoll thakuge siyaadhathee baaru Raajje in dhookohlumun, mihaaru mivanee Raajjeyge kan’du ge sarahadhun baeh gehlifa. Alhugadu dhekey gothugai mikan balai nugathumakee Raajje ah ragaalhu goiy.

— Mohamed Nasheed (@MohamedNasheed) April 28, 2023

ރާއްޖެއާއި ދެކޮޅަށް މޮރިޝަސްއިން މައްސަލަ ހުށަހަޅާފައި ވަނީ އިގްތިސާދީ ހާއްސަ ސަރަހައްދާއި، ކޮންޓިނެންޓަލް ޝެލްފްގެ ބައުންޑްރީ ކަނޑައަޅައިދިނުމަށެވެ.

މައްސަލައިގައި ގޮތެއް ނިންމުމަށް ބޭއްވި މަޖިލީހުގައި އިޓްލޮސްއިން ނިންމާފައިވާ ފުށު އަރާބައި އިކުއިޑިސްޓެންސްގެ އުސޫލުން ބަހާލުމަށެވެ.

ޗާގޮސްގެ ސިޔާދަތީ ބާރުގެ މައްސަލަ ޒަމާނުއްސުރެ ފެންމަތިވެފައިވާތީ، އެތަނުގެ އިން އެއްވެސް އިރެއްގައި ވަކިކޮށްފައި ނެތެވެ.

ސަރަހައްދީ އިން ވަކި ކުރުމުގައި އެއްބަސް ނުވެވޭ ހާލަތެއްގައި، ދެން އަމަލު ކުރަން ޖެހެނީ އިކުއިޑެސްޓެންސަށް ބަލައިގެންނެވެ.

މައްސަލަ ހުށަހަޅައި މޮރިޝަސް ބުނީ، ބޭސް ޕޮއިންޓް ކަނޑައަޅަން ފަށާ ހިސާބަކީ ތިލަ ދިޔަވަރުގައި ފެންނަން އޮތް ބެލެންހެމް ރީފްއިން ފެށިގެން ކަމަށެވެ. އެކަމަކު އެއަށް ދެކޮޅު ހަދައި ރާއްޖެއިން ބުނީ ބައިނަލްއަޣުވާމީ ހަމަތަކުފެ ދަށުން ތިލަ ދިޔަވަރުގައި ފެންނަން އޮތް ފަރަކުން ބޭސް ޕޮއިންޓު ކަނޑަނޭޅޭނެ ކަމަށެވެ.

އެ ނުކުތާ ހުށަހަޅައި މޮރިޝަސްއިން ބުނެފައި ވަނީ، ލޯޓައިޑް އުސްމިނެއްކަމަށް ވާ ބްލެންހައިމް ރީފް ހުންނަނީ ހައިޓައިޑް ފީޗާއެއްކަމަށް ވާ އައިލް ޓަކަމަކާގެ 10.6 ކިލޯ މީޓަރުގެ ތެރޭގައި ކަމަށެވެ. އަދި އެ ރީފްއާއި ގޔޅުން ހުރި އައްސޭރިފަށުން ބާކީ ނުކުރެވޭނެކަމަށް ބުނެފައިވެއެވެ.