އެމްޑީޕީގެ ރައީސް އަދި މަޖިލީހުގެ ރައީސް މުހައްމަދު ނަޝީދުގެ ފިކުރެއްގެ ދިރުމުން އުފެއްދުމަށް މަސައްކަތްކުރަމުންދާ ޕާޓީގެ މުސްތަގުބަލު ކުރީގެ ރައީސް މައުމޫން އަބްދުލްގައްޔޫމްގެ އެމްއާރްއެމްއަށް ބެލުމުން ފެނިގެންދާނެކަމަށް މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
އެމްޑީޕީގެ ރައީސް މުހައްމަދު ނަޝީދު އަދި ޕާޓީގެ އިސް ލީޑަރު ރައީސް އިބްރާހިމް މުހައްމަދު ސާލިހުގެ ދެމެދު ރިޔާސީ ކެނޑިޑަސީ އާއި ގުޅުވައި އުފެދިފައިވާ މައްސަލައިގެ ސަބަބުން އެ ޕާޓީވަނީ ބޮޑު ކޯޅުންގަނޑެއްގެ ތެރޭގައެވެ. ޕާޓީގެ ތެރޭގައި އުފެދިފައިވާ ރައީސް ނަޝީދާއި ރައީސް ސާލިހު ފެކްޝަނުން ތުހުމަތުތަކާއި ބަހުގެ ހަމަލާތައް ރައްދުކުރަމުންދިއުމަށްފަހު، ރައީސް ނަޝީދަށް ތާއީދުކުރައްވާ ޕާޓީގެ އިސް މެމްބަރުންތަކެއްވަނީ އެމްޑީޕީއިން ވަކިވެވަޑައިގެން އަމިއްލަ ޕާޓީއެއް އުފެއްދުމަށް ކަނޑައެޅިފައިވާކަން އަދި ރިޔާސީ ކެނޑިޑޭޓެއްވެސް ނެރޭނެކަން ހާމަކޮށްފައެވެ.
އުފެދިފައިވާ މައްސަލައަށް ވާހަކަދައްކަވަމުން، ޝަރީފް ވަނީ ރައީސް ނަޝީދާއި އެމަނިކުފާނަށް ތާއީދުކުރައްވާ ފަރާތްތަކަށް ފާޑުވިދާޅުވެފައެވެ. އޭނާ ވިދާޅުވީ، ފިކުރެއްގެ ދިރުން އުފައްދައިގެން 5000 މެމްބަރުން ސޮއި ކޮށްފައިވާ ކަމަަށްވެސް ރައީސް ނަޝީދު ވިދާޅުވެފައިވާކަމަށެވެ. އޭނާ ވިދާޅުވީ، އެ 5000 މެމްބަރުންގެ ސޮއި އާއިއެކު ގޮފިތައް ހައްދަވައިގެން އެކްސްޓްރާ އޯޑިނަރީ ކޮންގްރެސްއެއް ބާއްވާނެކަމަށްވެސް ރައީސް ނަޝީދު ވިދާޅުވިކަމަށެވެ. އަދި ޕާޓީގެ ރިޔާސީ ޓިކެޓުވެސް އަތުލައްވާނެކަމަށް ރައީސް ނަޝީދު ވިދާޅުވެފައިވާކަމަށް ވީ ނަމަވެސް އެމަނިކުފާނަށް އެ ކަންކަން ކުރެއްވިފައިނުވާކަމަށް ޝަރީފް ފާހަގަކުރެއްވިއެވެ.
އޭނާ ވިދާޅުވީ، ރިޔާސީ ޓިކެޓު އަތުލައްވާނެކަމަށް ވިދާޅުވަމުންދިއުމަށްފަހު، މިހާރު އަޑު ހަރުކޮށް ވިދާޅުވަމުންދަނީ ފިކުރެއްގެ ދިރުމުން އުފައްދާ ޕާޓީ އެމްޑީޕީއަށްވުރެ ބޮޑު ސިޔާސީ ޕާޓީއަކަށް ވެގެންދާނެކަމަށް ކަމަށެވެ. އެނާ އިޝާރާތްކުރެއްވީ އެކަން އެއީ ރައީސް ނަޝީދަށް ނުކުރެއްވޭނެކަމެއް ކަމަށެވެ.
Musthagubaluga FIkureggeDhirun ah vaane gothuge misaalu MRM in e othee fennan. 2024 ge inthikhaabah fahu MRM varu ge e size ge party akah vegen dhanee. MRM @maumoonagayoom ge fahathun eburey gothah FIkureggeDhirun ebureynee @MohamedNasheed ge fahathun.
— Ibrahim Shareef (@AdduShareef) May 20, 2023
ޝަރީފް ވަނީ ފިކުރެއްގެ ދިރުމުން އުފައްދާ ޕާޓީގެ މުސްތަގުބަލު އޮތް ގޮތް އޭނާއަށް ފެނިވަޑައިގަންނަވާ ގޮތް ހިއްސާ ކުރައްވާފައެވެ. އެގޮތުން ފިކުރެއްގެ ދިރުމަށް ވެގެންދާނެ ގޮތުގެ މިސާލު އެމްއާރްއެމްއަށް ބެލުމުން ފެނިގެންދާނެކަމަށް އޭނާ ވިދާޅުވިއެވެ. ޝަރީފް ވިދާޅުވީ، 2024 ގެ އިންތިހާބަށް ފަހު ފިކުރެއްގެ ދިރުން ވެގެންދާނީ އެމްއާރްއެމް ވަރުގެ ކުޑަ ޕާޓީއަކަށް ކަމަށެވެ. އޭނާ ވިދާޅުވީ، އެމްއާރްއެމް އެނބުރެނީ ރައީސް މައުމޫނު ފަހަތުންކަމަށެވެ. އެގޮތުގެ މަތިން ފިކުރެއްގެ ދިރުންވެސް އެނބުރޭނީ ރައީސް ނަޝީދުގެ ފަހަތުންކަމަށް އޭނާ ވިދާޅުވިއެވެ.
advertisment