ކުރިއަށް އޮތް ރިޔާސީ އިންތިހާބު ކާމިޔާބުކުރެއްވުމަށް ޒުވާނުންގެ އެއްބާރުލުން ބޭނުންވާކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެއްޖެއެވެ.
ޖޭޕީ، ޑިމޮކްރެޓްސް އަދި އެމްއެންޕީއިން އެއް ކެނޑިޑޭޓަކު ނެރުމަށް އެއްބަސްވެވިފައިވާކަމަށް މީޑިއާތަކާއި ހިއްސާކުރެއްވުމަށްފަހު، ޖޭޕީއިންދަނީ ގާސިމްގެ ރިޔާސީ ކެމްޕެއިންގެ މަސައްކަތްތައް ވަރުގަދަކުރަމުންނެވެ. އެ ޕާޓީއިންވަނީ އެކި ގޮތް ގޮތުގައި ކެމްޕެއިން ހަރަކާތްތައް ހިންގާފައެވެ. ގާސިމް ކުރެއްވި ޓްވީޓެއްގައި ވިދާޅުވީ، ރިޔާސީ އިންތިހާބުގައި ޒުވާނުންގެ ވޯޓުވެސް ނުހަނު ބޭނުންވެވަޑައިގަންނަވާކަމަށެވެ. އެމަނިކުފާނު ވިދާޅުވީ 18 އަހަރާއި 35 އަހަރާއި ދެމެދުގެ ޒުވާނުން މާލޭގައި ކުރިއަށް ގެންދިޔަ އެ ޕާޓީގެ ބައްދަލުވުމަށްޓަކައި އެންމެހާ ބައިވެރިންނަށްވެސް ޝުކުރުވެރިވެވަޑައިގަންނަވާކަމަށެވެ.
2023 ge Riyaasee Inthikhaabugai Alhugandah, Zuvaanuge vote ves nuhanu beynumeve. 18-35 Aharaa dhemedhuge Zuvaanun Rey Malé’ gaiJP in Beyvvi Badhalu Vumuge Enmmehaa membarun nah Shukuru Dhannaveve.
Zuvaanun nah Dhimaavefaivaa eki eki gon jehun thakun Araiganeveynee Gaumu… pic.twitter.com/w6ePQYcXzq— Qasim Ibrahim (@qasimibrahim) July 21, 2023
ގިނަ އަދަދެއްގެ މީހުން ބައިވެރިވި ޖޭޕީގެ ހަރަކާތެއްގެ ފޮޓޯތައް ހިއްސާކުރައްވާ ގާސިމް ކުރެއްވި ޓްވީޓްގައި ވަނީ ޒުވާނުންނަށް ދަތިތަކެއް ކުރިމަތިވެފައިވާކަން އެނގިވަޑައިގަންނަވާކަން ހިއްސާކުރައްވާފައެވެ. އަދި އެފަދަ ދަތިތަކުގެން އަރައިގަނެވޭނީ ގައުމު ހިންގުމުގެ ތަޖުރިބާ ހުރި ވެރިޔަކު ގައުމުގެ ރައީސްކަމަށް އިސްކޮށްގެންކަމަށެވެ.
ޒުވާނުންގެ އެއްބާރުލުން ބޭނުންވެވަޑައިގަންނަވާކަން ގާސިމް ހިއްސާކުރެއްވިއިރު، ޖޭޕީގެ ވެރިކަމެއްގައި ޒުވާނުންނަށް ގިނަ ހިދުމަތްތަކެއް ކޮށްދިނުމުގެ ވިސްނުންތައް ހުރިކަންވެސް ޖޭޕީއިންވަނީ މީގެކުރިން ހިއްސާކޮށްފައެވެ. އެގޮތުން ޖޭޕީގެ ވެރިކަމެއްގައި ވަޒީފާއެއް ނުލިބިފައި ހުރި އެއްވެސް ޒުވާނަކު ނުހުންނާނެކަމަށް ބުނެފައިވެއެވެ.
advertisment