އިދިކޮޅުގެ ރިޔާސީ ޓިކެޓު ރަސްމީކޮށް އަރުވާފައިވާ ކުރީގެ ރައީސް އަބްދުﷲ ޔާމީން އަބްދުލްގައްޔޫމް މިއަހަރު ބާއްވާ ރިޔާސީ އިންތިހާބުގައި ވާދަކުރުމަށް ހުށައެޅި ފޯމު އިލެކްޝަންސް ކޮމިޝަން (އީސީ އިން ބަލައިނުގަތުމަށް ނިންމި މައްސަލަ ސްޕްރީމް ކޯޓުގައި ތައާވަލުކޮށްފިއެވެ.
މިކަން ރައީސް ޔާމީންގެ އިސް ގާނޫނީ ވަކީލު އަދި ރަނިންމޭޓު ވަނީ “ސަންގަށް” މިކަން ކަށަވަރުކޮށްދެއްވާފައެވެ. ޖަމީލް މައުލޫމާތުދެއްވި ގޮތުގައި އަޑުއެހުން އޮތީ 2:30 ގައެވެ.
ސެޕްޓެމްބަރު 09 ގައި ބާއްވާ އިންތިހާބުގައި ވާދަކުރުމަށް އެންމެ ފުރަތަމަ ފޯމު ހުށަހެޅުއްވީ ރައީސް ޔާމީނެވެ. މަނީ ލޯންޑާރ ކުރުމާއި ރިޝްވަތު ގަބޫލު ކުރުމުގެ ކުށް ސާބިތުވެ 11 އަހަރުގެ ޖަލު ހުކުމެއް ރައީސް ޔާމީން ތަންފީޒު ކުރައްވަމުން ގެންދަވާތީ، އެމަނިކުފާނުގެ ކެނޑެސީ އާއި މެދު ސުވާލުތައް ވެސް ވަނީ އުފެދިފައެވެ. އެ ފޯމާއި މެދު ގޮތް ނިންމައި އެކަން ކޮމިޝަނުން ވަނީ ޕާޓީއަށް އަންގާފައެވެ.
ކެނޑިޑެސީ ފޯމު ބަލައިނުގަތުމަށް ނިންމައި، އޭގެ ސަބަބު ބަޔާން ކުރާ ލިއުމުގައި އީސީން ބުނެފައި ވަނީ އިންތިހާބުތަކާއި ބެހޭ އާންމު ގާނޫނު އަދި ރިޔާސީ އިންތިހާބުގެ ގާނޫނުގައިވާގޮތުގެ މަތީން، ރައީސް ޔާމީން ރައީސުލްޖުމްހޫރިއްޔާގެ މަގާމަށް ވާދަކުރުމަށް ހުށަހެޅި ހުށަހެޅުން ގަބޫލު ކުރެވެން ނެތީ ގާނޫނު އަސާސީގެ 110 ވަނަ މާއްދާއާއި، ރިޔާސީ އިންތިހާބުގެ ގާނޫނުގެ 05 ވަނަ މާއްދާގެ (ހ) ގެ ދަށުން ކަމަށެވެ.
ކޮމިޝަނުން ބުނީ ރައީސް ޔާމީނަކީ، 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ބޭފުޅަކަށްވާއިރު ޖިނާއީ ކުށެއް ސާބިތުވެ 12 މަސް ދުވަހުގެ ދިގު މުއްދަތުގެ ހުޖުމެއް އައިސްފައިވާ މީހަކަށް އިންތިހާބުގައި ވާދަ ނުކުރެވޭނެ ކަމަށެވެ. ރައީސް ޔާމީން ހުށަހަޅާފައިވާ ކުށުގެ ރެކޯޑުން ވެސް އެކަން އެނގެން އޮތް އިރު ގާނޫނުއަސާސީގެ 109 ވަނަ މާއްދާގެ (ޅ) ގައި ބަޔާން ކުރާ ޝަރުތު ރައީސް ޔާމީންގެ ކިބައިގައި ފުރިހަމަ ނުވާކަމަށް އީސީން ބުންޏެވެ.