މަޖިލީހުގެ ރައީސް މުހައްމަދު ނަޝީދާއި ނައިބު ރައީސް އީވާ އަބްދުﷲ ޑިމޮކްރެސީގެ ނަމުގައި ފިތުނަ އުފައްދަވައި ފަތުރައްވަމުންދާކަމަށް މަޖިލީހުގެ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
ސޯޝަލްމީޑިއާއަށް ކުރެއްވި ޕޯސްޓެއްގައި ރޮޒައިނާވަނީ ބްރޯޑްކޮމްގެ ސިޓީއެއް ހިއްސާކުރައްވާފައެވެ. އޭނާ ވިދާޅުވީ، އިލެކްޝަންސް އަދި ބްރޯޑްކޮމްއަށް މެމްބަރުން އައްޔަނުކުރުމުގެ މަސައްކަތްތަކަށް ހުރަސްތަކެއް އެޅިފައިވާކަމަށް ފާހަގަކުރައްވާފައެވެ. ރޮޒައިނާ ވިދާޅުވީ، އިލެކްޝަންސް ކޮމިޝަނުގެ މެމްބަރެއްގެ މުއްދަތު ޖުލައި މަހުގެ 24 ވަނަ ދުވަހަށް ހަމަވެފައިވާކަމަށެވެ. އޭނާ ވިދާޅުވީ، ރިޔާސީ އިންތިހާބު ބޯމަތިވެފައިވާއިރު، އެ އިންތިހާބާއި ކުރިމަތިލާންޖެހެނީ އިލެކްޝަންސްގެ މެމްބަރެއް މަދުކޮށްކަމަށެވެ. އޭނާ ވިދާޅުވީ، ބްރޯޑްކޮމް އިންވެސް މެމްބަރުންގެ މުއްދަތު ހަމަވަމުންދިއުމާއިއެކު ސިޓީ ފޮނުވަމުންދާކަމަށެވެ.
EC membaregge muhdathu 24 July ah hama vejje. Riyaasee inthihaabakaa kurimathi laan mijehenee EC ge membareh madhukoh. Broadcom in membararunge muhdhathu hamavegen sitee fonuvanee. (1) pic.twitter.com/KZRmRXuvMa
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) August 3, 2023
ރޮޒައިނާ ވިދާޅުވީ، އެކަންކަން ކުރިމަތިވެފައިވަނީ “އިތުބާރު ނެތް” މަޖިލީހުގެ ރައީސް އަދި ނައިބު ރައީސް މަޖިލީހުގެ ކޮމިޓީތައް ހުއްޓުވާފައި އޮތުމުންކަމަށެވެ. އޭނާ ވިދާޅުވީ، އީވާ އަދި ނަޝީދު ކުރައްވަމުންދާ މަސައްކަތަކީ މަޖިލީސް ހިސޯރުކޮށްގެންތިބެ ޑިމޮކްރެސީގެ ނަމުގައި ފިތުނަ ފެތުރުއްވުމުގެ މަސައްކަތްތައްކަމަށެވެ. އޭނާ ވިދާޅުވީ، އެ ދެ ބޭފުޅުންގެ ސަބަބުން ރައްޔިތުންގެ މަޖިލީހުން ދޭންޖެހޭ ހިދުމަތްތައް ދިނުމުގައި ގޮންޖެހުންތައް ކުރިމަތިވެފައިވާކަމަށެވެ. ރޮޒައިނާ ވިދާޅުވީ، މެމްބަރުންނަށްވަނީ ހިދުމަތް ނުދެވި ތަންތަނުން ފޮނުވަމުންދާ ސިޓީތަކަށް ބަލަހައްޓައިގެން ތިބެންޖެހިފައިކަމަށެވެ.