އިދިކޮޅު މައި ޕާޓިއިން ވަކިވާން އުޅޭކަމުގެ ވާހަކަ، އައްޑޫ މީދޫ ދާއިރާގެ މެންބަރު ރޮޒައިނާ އާދަމް ދޮގު ކުރައްވައިފިއެވެ.
ރޮޒައިނާ އެމްޑީޕީއިން ވަކިވެ. ޕީއެންސީއާއި ގުޅެން އުޅޭކަމަށް ބުނެ ހަބަރެއް ފެތުރީ ރާކަނި ނަމަކަށް ކިޔާ ވެބަސައިޓަކުންނެވެ.
މި ވާހަކަ ދޮގުކޮށް ރޮޒައިނާ ވިދާޅުވީ މިކަން އެކްސްއެއްކޮށް ސާފުކޮށްދިނީ މީހުން މިކަން ސާފުކުރުމަށް އޭނާއަށް ގުޅަމުންދާތީކަމަށެވެ.
އަޅުގަނޑު MDP އިން ވަކިވާކަށް ނޫޅެން. އަދި އަމުދުން PNC އަށް ވަންނާކަށް ނޫޅެން.
ފާޑެއްގެ ރާކަނި ކިޔާ ފޭކުނޫހަކުން މިހެން ކިޔައިގެން ދޮގު ހަބަރު ފަތުރާތީ މީހުން ގުޅާފަ އަޅުގަޑާ ސުވާލުކުރާތީ އާންމުކޮށް މިކަން ސާފުކޮއްލަދިނީ.
އާދީއްތަދުވަހު ހުރިހާ އެންމެން MDPއަށް ވޯޓުދެއްވާ! pic.twitter.com/IhEHnLcaAs— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) April 16, 2024
ރޮޒައިނާ އެދިވަޑައިގެންފައިވަނީ އާދިއްތަ ދުވަހު އޮތް މަޖިލީސް އިންތިހާބުގައި އެމްޑީޕީއަށް ވޯޓުލެއްވުމަށެވެ.
އެމްޑީޕީ އަންހެނުންގެ ރޫހުގެ ރައީސާ ރޮޒެއިނާ އަކީ އެމްޑީޕީގެ ލީޑަރޝީޕްގައިވެސް ހިމެނިވަޑައިގަންނަވާ، އެ ޕާޓީގެ އިސް މެންބަރެކެވެ. ނަމަވެސް އޭނާއަށް ޕާޓީގެ ޕްރައިމަރީގައި ލިބިވަޑައިގެންނެވީ ނާކާމިޔާބީއެވެ.
މީގެ ކުރިން ތުލުސްދޫ ދާއިރާގެ މެމްބަރުކަން ވެސް ކުރައްވައިއިވާ ރޮޒައިނާއަކީ އައްޑޫގެ ފުރަތަމަ އަންހެން މެމްބަރެވެ.