މާލެ ސިޓީގެ މޭޔަރު އަދި ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއާއި މެދު، އާންމުންނަށް ފެންނަނީ ވަރަށް ބޭއަދަބީކޮށް ކަންތައް ކުރައްވަވާ ތަން ކަމަށް ޝެއިހް އަލީ ޒައިދު ވިދާޅުވެއްޖެ އެވެ.
ޒައިދު ކުރެއްވި ޓުވީޓެއްގައި ވިދާޅުވީ މިހާރު ފެންނަ މަންޒަރަކީ ގަން ހިންގުވަން އުޅޭ މަންޒަރު ކަމަށެވެ. ޕްލޭން އޭ، ބީ އަދި ސީ ނިކުއުއްވުމަށާއި، މީހަކު ދަށް ކޮށްްލުމުގައިވެސް ވަކި ހައްދެއް އޮންނަންވާނެ ކަމާއި އަދި ޑރ. މުއިއްޒު އާއި މެދު އެއްވެސް ރަހުމެއް ނުބަހައްޓަވަނީ ކީއްވެތޯ ޒައިދު ވަނީ ސުވާލު ކުރައަވާފައެވެ.
ޕްލޭން ABC ކިޔުއްވާނެ ކަމެއް ނެތް! ޢާންމުންނަށް ފެންނަނީ ވ ބޭއަދަބީކޮށް ޑރ.މުޢިއްޒާއި މެދު ކަންތައް ކުރެވޭތަން! ހަމަ ސީދާ ގަންހިންގުވަން ކުރާ މަސައްކަތް މިހާރު ފެންނަމުން ދަނީ! ދަށްކޮށްލުމުގައިވެސް ޙައްދެއް އޮންނަންވާނެ ކަމުގައި ދެކެން! ކީއްވެތޯ ޑރ.މުޢިއްޒާމެދު މިހާ ރަޙުމެއްނެތީ؟
— Ali Zaid (@alizaid1000) August 5, 2023
ސެޕްޓެމްބަރު މަހު 9 ގައި އޮންނަ ރިޔާސީ އިންތިހާބަށް ވާދަ ކުރެއްވުމަށް ކުރީގެ ރައީސް އަބްދުﷲ ޔަމީން އަބްދުލްގައްޔޫމް ވަނީ ފޯމު އީސީ އަށް ހުށަހަޅާފައެވެ. ނަމަވެސް ޖަލު ހުކުމެއްގައި ހުންނެވުމުގެ ސަބަބުން އީސީ އިން ވަނީ ފޯމު ބޭރުކޮށްލާފައެވެ. މި މައްސަލަ ސުޕްރީމް ކޯޓަށް ވަނީ ހުށަހަޅައި، ރޭގައި މި މައްސަލައިގެ އަޑު އެހުން ވެސް ވަނީ ނިމިފައެވެ.
ރައީސް ޔާމިންގެ ވަކީލުން ވަނީ އެމަނިކުފާނަށް އިންތިހާބަށް ކުރިމަތި ނުލެވޭ ހާލަތެއްގައި ޕީޕީއެމް އިންް އިތުރު ފަރާތަކުން ކުރިމަތި ލުމަށް ފުރުސަތެއް ދެއްވުމަށް ކޯޓުގައި އެދިލައްވާފައެވެ. މި ފުރުސަތަށް އެދިލައްވާފައި ވަނީ ޕީއެންސީގެ ސެނެޓު މެންބަރުން ބޭއްވި ވޯޓު މުއިއްޒު ކާމިޔާބު ކުރައްވާފައި ވަނިކޮށެވެ.
advertisment