ޮޮަޕަޕެޓަކަށް ވެރިކަން ދޭކަށް ނުވާނެ: މޮވާޓޯ ޝަރީފް

ދިވެހިރާއްޖޭގެ ވެރިކަމަށް ހޮވަންވީ “ޕަޕެޓެއް” ނޫންކަމަށް މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.

ސޯޝަލްމީޑިއާ ކުރެއްވި ޕޯސްޓެއްގައި ޝަރީފްވަނީ އިދިކޮޅު ޕާޓީތަކުގެ ރިޔާސީ ކެންޑިޑޭޓުންނަށް ފާޑުވިދާޅުވެފައެވެ. ޝަރީފް ވިދާޅުވީ ރާއްޖޭގެ ރައީސްއަކަށް ހޮވަންވާނީ ވެރިކަން ކުރައްވާނެ އަދި އެ މަސްއޫލިއްޔަތާއި ހަވާލުވެވަޑައިގަންނަވަން ބޭނުންވާ ބޭފުޅެއްކަމަށެވެ. އޭނާ ވިދާޅުވީ، އެ މަގާމަށް އައްޔަނުކުރަންވާނީ ގައުމުގެ އެންމެ މަތީ ވެރިޔާގެ މަސްއޫލިއްޔަތު އަދާކުރައްވާނެ ބޭފުޅެއްކަމަށާއި އެފަދަ މަގާމަކަށް “ޕަޕެޓެއް” އައްޔަނުކޮށްގެން ނުވާނެކަމަށް ވިދާޅުވިއެވެ.

ޝަރީފް ވިދާޅުވީ، ޑިމޮކްރެޓްސްގެ ރިޔާސީ ކެންޑިޑޭޓު އިލްޔާސް ލަބީބު އަދި ޕީއެންސީގެ ކެންޑިޑޭޓު އުޅުއްވަނީ އޭނާ ސިފަކުރެއްވި ގޮތަށްކަމަށެވެ. އެގޮތުން ހޮވުނު ނަމަވެސް ވެރިކަން ކުރައްވާނީ އެހެން ބޭފުޅެއްކަމަށް އެ ދެ ކެންޑިޑޭޓުން ވިދާޅުވަމުންދާކަމަށް ޝަރީފް ފާހަގަކުރެއްވިއެވެ.

@MMuizzu ves adhi @ilyasLabeeb_ ves eba vidhaalhuvey thimamennakee amilla visnumeh evves kameh nimmumuga gengulhuvvaane beyfulhun noon kamah.Meen beyfuylhakah verikan libijjenama verikamuga evthibbevee küreege dhe raeesun kure beyfulhaku kamah. Puppet akah verikan dheykah nuvaane

— Ibrahim Shareef (@AdduShareef) August 9, 2023

ޝަރީފް ވިދާޅުވީ، މުއިއްޒު އާއި އިލްޔާސްއަކީ އަމިއްލަ ވިސްނުމެއް ގެންގުޅުއްވާ ބޭފުޅުން ނޫންކަން އެ ދެ ބޭފުޅުންވެސް ވިދާޅުވެފައިވާކަމަށެވެ. އޭނާ ވިދާޅުވީ އެ ދެ ކެންޑިޑޭޓުންގެ ތެރެއިން ކޮންމެ ބޭފުޅަކަށް ވެރިކަން ލިބިއްޖެ ހާލަތެއްގައި ވެރިކަން ކުރައްވާނީ ކުރީގެ ރައީސް ޔާމީން އަބްދުލް ގައްޔޫމް އަދި މުހައްމަދު ނަޝީދުކަމަޡށް ވިދާޅުވާކަމަށެވެ. ޝަރީފް ވިދާޅުވީ، ޕަޕެޓަކަށް ވެރިކަން ދޭން ނުވާނެކަމަށެވެ.