އެމްޑީޕީއިން ވަކިވުމަށްފަހު، ޑިމޮކްރެޓްސްއާއި ގުޅިވަޑައިގެންނެވި މަޖިލީހުގެ ތޮއްޑޫ ދާއިރާގެ މެމްބަރު ހަސަން ޝިޔާން އަލުން އެމްޑީޕީ އާއި ގުޅިވަޑައިގެންފިއެވެ.
އެމްޑީޕީގެ ތެރޭގައި އުފެދިގެންދިޔަ ހިޔާލުތަފާތުވުންތަކެއްގެ ސަބަބުން އެ ޕާޓީއަށް ގިނަ ފާޑުކިޔުންތަކެއް އަމާޒުކުރެއްވުމަށްފަހު، ޑިމޮކްރެެޓްސް އާއިއެކު މަސައްކަތްކުރައްވަމުންދިޔަ މެމްބަރު ޝިޔާން އެމްޑީޕީ އާއި ގުޅިވަޑައިގެންނެވިކަން ހާމަކުރެއްވީ ސޯޝަލްމީޑިއާ މެދުވެރިކޮށެވެ. އޭނާ ވަނީ ރައީސް އިބްރާޙިމް މުހައްމަދު ސާލިހާއިއެކު ހުންނެވި ފޮޓޯއެއް ހިއްސާކުރައްވާފައެވެ.
ޝިޔާން ވިދާޅުވީ، އޭނާ އެމްޑީޕީ އާއި އަލުން ގުޅުނީ ނިސްބަތްވެވަޑައިގަންނަވާ ދާއިރާ އަދި މުޅި ރާއްޖޭގެވެސް ގިނަ ރައްޔިތުންގެ ވިންދާ އެއްގޮތަށް ކަމަށެވެ. އޭނާ ވިދާޅުވީ، ވިސްނުން ބަދަލުކުރެއްވީ އެ ސަބަބާއި ގުޅިގެންކަމަށާއި ތޮއްޑޫ ދާއިރާގެ ސާފު އަގުލަބިއްޔަތު ރައީސް ސާލިހަށް ލިބިވަޑައިގަންނަވާނެކަމަށެވެ. ޝިޔާން ވިދާޅުވީ، ރައީސް ސާލިށް އެއް ބުރުން އިންތިހާބު ކާމިޔާބުވެގެންދާނެކަމަށެވެ.
Dhaairaa aai mulhi raajjeyge gina rayyithunge vindhaa egothah alhuganduge visnun badhalukoh @MDPSecretariat aa alun gulhijjain. IA Thoddoo Dhaairaa ge saafu bodu aghlabiyyathaa eku Raees @ibusolih mi inthikhaabu 1 burun kaamiyaabu kuravvaane.#UfaaveriAmaanRaaje pic.twitter.com/fNnYGgl2Hc
— Hassan Shiyan (@HassanShiyaan) August 25, 2023
ޝިޔާން އަލުން އެމްޑީޕީ އާއި ގުޅިވަޑައިގެންފައިވާއިރު، ޑިމޮކްރެޓްސްގައި ހުންނަވާ މަޖިލީހުގެ ރައީސް މުހައްމަދު ނަޝީދުވަނީ ރައީސް ސާލިހު ދައުލަތުގެ މާލިއްޔާތުން ފައިސާ ނަންގަވައިގެން މަޖިލީސް މެމްބަރުންނާއި އެހެނިހެން މީހުނަށްވެސް ރިޝްވަތު ދެއްވަމުން ގެންދަވާކަމުގެ ތުހުމަތުތައް ކުރައްވާފައިކަން ފާހަގަކުރެވެއެވެ.
advertisment