ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރަކު ވާހަކަ ދައްކަވަމުން ޗައިނާ ރައްޔިތުންނަށް އަމާޒުކޮށް ބޭއަދަބީ ގޮތަކުން ވާހަކަ ދެއްކުމުން ރިޔާސަތުން އެކަން ހުއްޓުވައިފިއެވެ.
ތޮއްޑޫ ދާއިރާގެ މެމްބަރު ހަސަން ޝިޔާން ޗައިނާގެ “ލޯ ކުޑަ މީހުންނަށް” ދައްކަން އެއްޗެއް ގެނެސް ބަހައްޓާނެ ކަމެއް ނެތް ކަމަށް ބުނުމުން ރިޔާސަތު ބަލަހައްޓަވަން އިންނެވި މަޖިލީހުގެ ނައިބު ރައީސް އީވާ އަބްދުﷲ ވަނީ ހުއްޓުވާފައެވެ.
ރިޔާސަތުން ވަނީ އޭނާގެ ވާހަކަ ހުއްޓުވައި، މިމަޖިލީހުގައި އެއްވެސް ގައުމެއްގެ، އެއްވެސް ނަސްލެއްގެ އެއްވެސް ބަޔެއްގެ ސިފަޔަށް ވާހަކަ ދެއްކުމުގެ ބޭނުމެއް ނެތް ކަމަށް ވިދާޅުވެ ބަސްމަގު ރަނގަޅު ކުރުމަށް ޝިޔާނަށް އިރުޝާދު ދީފައެވެ.
މިއަދުގެ މަޖިލީހުގައި ބަހުސް ކުރަމުން ދަނީ ސަރުކާރު ހިންގާ ޕާޓީ، އެމްޑީޕީން ހުށައަޅާފައިވާ މަޖާ ކުރާނެ ތަނެއް ހެދުމުގެ ބިލަށެވެ.