ދީނީ އަސާސްތައް ހިފަހައްޓާ ނަގަހައްޓަވާ ވެރިޔަކީ ރައީސް އިބްރާހީމް މުޙައްމަދު ޞާލިޙްކަމަށް ވިދާޅުވެ އެމަނިކުފާނަށް ތާޢީދުކުރައްވާކަމަށް ދީނީ ޢިލްމުވެރިން ގުޅުމުން ހާމަކޮށްފިއެވެ.
ރައީސް ޞާލިޙަށް ތާޢީދުކުރައްވާ ވިއްސަކަށް ދީނީ ޢިލްމުވެރިން ބޭއްވި ނޫސްވެރިންގެ ބައްދަލުވުމުގައި މިސަރުކާރުގެ އިސްލާމިކް މިނިސްޓަރ ޑރ.އަޙްމަދު ޒާހިރު ޢަލީއާއި، ރައީސް ޞާލިޙަށް ތާޢީދުކުރައްވާ ސިޔާސީ އެކިއެކި ވާހަކަފުޅުތައް ސޯޝަލް މީޑިއާގައި ލިޔުއްވަމުން ގެންދަވާ ޑރ.މުޙައްމަދު އިޔާޟް ޢަބްދުއްލަޠީފާއި، ޝައިޚް އިލްޔާސް ޙުސައިން، ޑރ.ގުބާދު އަބޫބަކުރުފަދަ ބޭފުޅުން ބައިވެރިވެވަޑައިގެންނެވިއެވެ. އަދި ޢަދާލަތު ޕާޓީއަށް ނިސްބަތްވެވަޑައިގަންނަވާ ބައެއް ޢިލްމުވެރިންވެސް ބައިވެރިވެވަޑައިގެންނެވިއެވެ.
ރާއްޖޭގެ ދީނީ ޢިލްމުވެރިން ގުޅުމުން ހާމަކޮށްފައިވާ ގޮތުގައި ރައީސް ޞާލިހް މި ދައުރުގައި ދީނީ ކަންކަމާއި ގުޅޭ ވަރަށް ގިނަ މަސައްކަތްތަކެއް ކުރެވިފައިވާކަމަށް ވިދާޅުވިއެވެ. ދީނީ އިލްމުވެރިންގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އިސްލާމިކް މިނިސްޓަރ ޑރ.އަހްމަދު ޒާހިރު ވިދާޅުވީ މި ސަރުކާރުން ދީނީ އިލްމުވެރިންގެ އަޑު އަހާކަމަށާއި މިނިވަންކަމާއި އެކު ދިނީ އިލްމުވެރިންނަށް ފުރުޞަތުތައް ތަނަވަސްކޮށްދީފައިވާކަމަށް ވިދާޅުވިއެވެ. އަދި ކުރީ ސަރުކާރުތަކާއި އަޅާ ބަލާއިރު، މި ދައުރުގައި ރާއްޖޭގައި ދީނީ ޕްރޮގްރާމްތައް ހިނގިފައިވާ މިންވަރު އިތުރުވެފައިވާކަމަށް ވިދާޅުވިއެވެ. އެގޮތުން މި ދައުރުގައި 10،697 ޕްރޮގްރާމެއް ހިންގިފައިވާކަމަށް ވިދާޅުވިއެވެ.
އިސްލާމް ދީނުގެ ދައުވަތުގެ މައިދާނުގައި ހަރަކާތްތެރިވެވަޑައިގަންނަވާ ގިނަ ޢަދަދެއްގެ ދީނީ ޢިލްމުވެރިންގެ ރައުޔު ހާމަކުރެއްވުން މިއަދު ބޭއްވި ބައްދަލުވުން. pic.twitter.com/jHuCi8U5Co
— Adhaalath Party (@AdhaalathOffice) September 6, 2023
advertisment