ރައީސް އިބްރާހިމް މުހައްމަދު ސާލިހުގެ ސަރުކާރަށްވުރެ ބޮޑަށް “ހަރުކަށި ފިކުރަށް” ޖާގަދިން ސަރުކާރެއް ފެނިދާނެކަމަށް ގަބޫލުނުކުރެއްވޭކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރިޔާސީ އިންތިހާބުގެ ވޯޓުލުމުުގެ ފުރަތަމަ ބުރު ނިމި، ޕީއެންސީގެ ކެންޑިޑޭޓަށް ކުރި ލިބި، އެމްޑީޕީއަށް ދެވަނަ އަދި ޑިމޮކްރެޓްސްއަށް ތިން ވަނަ އަށް އެންމެ ގިނަ ވޯޓު ލިބިފައިވާއިރު، ޑިމޮކްރެޓްސްއިން ތާއީދުކުރާނީ ކޮން ޕާޓީއަކަށްތޯ ގިނަ އަދަދެއްގެ މީހުންދަނީ ސުވާލު ކުރަމުންނެވެ. ރައީސް ނަޝީދު ކުރެއްވި ޕޯސްޓެއްގައި އެމަނިކުފާނު ވަނީ ރައީސް ސާލިހުގެ ސަރުކާރަށް ބަހުގެ ހަމަލާތަކެއް ރައްދުކުރައްވާފައެވެ.
އެގޮތުން ޕީއެންސީގެ ކެންޑިޑޭޓު ޑރ މުހައްމަދު މުއިއްޒުގެ ވެރިކަމެއްގައި ދިވެހިރާއްޖޭގައި “ހަރުކަށި ފިކުރު” އާލާކުރާނެކަމަށް ބުނެ އެމްޑީޕީއަށް ތާއީދުކުރާ ބައެއް ފަރާތްތަކުން ސޯޝަލްމީޑިއާ ޕްލެޓުފޯރމތަކުގައި ފާހަގަކުރަމުންދާއިރު، ރައީސް ނަޝީދު ވިދާޅުވީ، މިދިޔަ ފަސް އަހަރަށްވުރެ ބޮޑަށް “ހަރުކަށި ފިކުރަށް” ޖާގަދިން ބަޔަކު އަދި އެފަދަ ފިކުރެއްގެ މަތިން ކަންކަން އިތުރަށް ކަންކަން ތަންފީޒުކުރާނެ ސަރުކާރެއް އައިސްދާނެކަމުގެ ބިރުވެރިކަމެއް އޮތްކަމަށް ދެކިވަޑައިގަންނަވަން ދަތިކަމަށް ރައީސް ނަޝީދު ވިދާޅުވިއެވެ.
Harukashi fikuruah jaagadhee adhi e goiythah midhiya 5 aharah vure vaki bodah thanfeez kuraane sarukaareh athuvedhaane kamuge beruverikan oiy kamah dheken dhathi
— Mohamed Nasheed (@MohamedNasheed) September 10, 2023
ރައީސް ނަޝީދުވަނީ އެމަނިކުފާނުގެ ނުރަސްމީ ޓްވިޓަރ މެދުވެރިކޮށްވެސް ރައީސް ސާލިހަށް ފާޑުވިދާޅުވެފައެވެ. އެގޮތުން ރައީސް ސާލިހާއި ދުރުވުމާއިމެދު އެމްޑީޕީ އަދި ޕާޓީގެ މެމްބަރުން ވިސްނަންވެއްޖެކަމަށާއި ޕީޕީއެމް އާއިއެކު ގުޅިފައިވާ ސަރުކާރެއް ގާއިމުކުރަން މަސައްކަތްކުރަންޖެހޭކަމަށް ވިދާޅުވިއެވެ.
advertisment