ޕެންޝަން ފަންޑާއި ކުޅެންފަށައިފިނަމަ އެ ފަންޑް ބަނގުރޫޓު ވެދާނެ ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެންބަރު އިބްރާހިމް ޝަރީފް(މަވޯޓާ) ވިދާޅުވެއްޖެއެވެ.
މަވޯޓާ ކުރެއްވި އެކްސްއެއްގައި ވިދާޅުވީ ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު ވިދާޅުވާ ވާހަކަފުޅުތަކުގެ ސަބަބުން ޕެންޝަން ފަންޑު ބަނގުރޫޓު ވެދާނެ ކަމަށެވެ. ހދ. މަހިބަދޫއަށް ޑރ. މުއިއްޒު ކުރެއްވި ކެމްޕެއިން ދަތުރުގައި އެމަނިކުފާނު ވަނީ ޕެންޝަންގް ގޮތުގައި ހުރި ފައިސާ ބޭނުންކުރެވޭނެ ގޮތްތަކަށް ބަދަލު ގެންނަވާނެ ކަމަށް ވިދާޅުވެފައެވެ.
މަހިބަދޫގައި ބޭއްވި ޖަލްސާގައި މުއިއްޒު ވިދާޅުވީ ޕެންޝަން ފަންޑުގައި 20 ބިލިއަން ރުފިޔާ ހުރި ކަމަށެވެ. އަދި އަހަރަކު 100 މިލިއަން ރުފިޔާގެ ފައިދާ ވާކަމަށް ވިދާޅުވިއެވެ. މީގެ އިތުރުން މުއިއްޒު ވިދާޅުވީ 30 ނުވަތަ 40 އަހަރު މަސައްކަތް ކުރުމުން ރައްޔިތުންނަށް ލިބެންޖެހޭ ހިންހަމަޖެހުން ނުލިބޭ ކަމަށެވެ.
މުއިއްޒުގެ ވެރިކަމެއްގައި ގެދޮރު ހެދުމަށާއި، ދަރިންނަށް ކިޔަވާދިނުމަށާއި އަދި ވިޔަފާރިއަށް ޕެންޝަނުން ފައިސާ ބޭނުންކުރެވޭނެ ގޮތަށް ރައްޔިތުން މަޖިލީހުގެ އެހީތެރިކަމާއެ ގާނުނަށް ބަދަލު ގެނެސްދެއްވާނެ ކަމަށްވިދާޅުވިއެވެ. އަދި ކޮންމެ 10 އަހަރަކުން ޕެންޝަނަ އިން ރުފިޔާ ނެގޭނެ ގޮތަށް އެ ބަދަލު ގެނެސް ދެއްވާނެ ކަމަށް ވިދާޅުވިއެވެ.
advertisment