2023 ގެ ރައިސް ކަށަވަރު ވެއްޖެއެވެ.
ރިޔާސީ އިންތިހާބުގައި ރައްޔިތުންވަނީ ރައީސް އިބްރާހިމް މުހައްމަދު ސޯލިހަށް ނޫނެކޭ ބުނެ ރައީސް މުއިއްޒުއަށް ވޯޓްދީ ރައީސްކަމުގެ މަގާމު ކަށަވަރު ކޮށްދީފައެވެ. ރިޔާސީ އިންތިހާބުގެ ފުރަތަމަ ބުރުގައިވެސް ރައީސް ސޯލިހަށް ލިބިލެއްވި ލަދުވެތި ނަތީޖާއެެކެވެ. ނަމަވެސް ދޫނުކޮށް އިންތިހާބުގެ ދެވަނަބުރަށް ވަޑައިގެން ކެމްޕޭން ކުރެއްވީ ގިޔަރުބަދަލުކޮށްފައިވާ ކަމަށް ވިދާޅުވަމުުންނެވެ.
ނަމަވެސް ދެވަނަބުރުންވެސް އެމަނިކުފުވަނީ ބަލިވެ ވަޑައިގެންފައެވެ. މިހާރު މާލެ އާއި ރާއްޖޭގެ އެކި ސަރަހައްދުތަކުގައި އުފާ ފާޅު ކުރަމުންދާއިރު މާލޭގެ ޕީޕީއެމް އޮފީސް ކުރިމަތީގައ ވަނީ ޕާޓީގެ ލީޑާޝިޕް އިސްފަރާތްތައްވެސް އަޑު އުފުލާފައެވެ. އެގޮތުން ރައީސް ޔާމީން މިނިވަން ކުރުމަށް އެ ފަރާތްތަކުން ގޮވާލާފައިވެއެވެ. ޕީޕީއެމް އޮފީހަށް އުފާފާޅުކުރުމަށް ވަޑައިގެންނެވި އެޕާޓީގެ އިސްބޭފުޅުންގެ ތެރޭގައި ޑރ، ޖަމީލްވެސް ހިމެނިވަޑައިގެނެވިއެވެ.
އަދި އާންމުންގެ ގިނަބަޔަކުވެސް ވަނީ އެ ސަރަހައްދަށް އެއްވެފައެވެ.
އެގޮތުން އެ ސަރަހައްދު ފުރާލާފައިވާއިރު އެބޭފުޅުންދަނީ އުފާ ފާޅު ކޮށް އެކި ޝުއޫރުތައް ފާޅު ކުރަމުންނެވެ.