ސަރުކާރު ބަދަލުވުމަށް އޮންނަ އިންތިގާލީ މަރުހަލާގައި ސަރުކާރުގެ ވަޒީފާތަކަށް މުއައްޒަފުން ނުނެގުމަށް ސިވިލްސާވިސް ކޮމިޝަނުން އަންގައިފިއެވެ.
ސިވިލްސާވިސް ކޮމިޝަން (ސީއެސްސީން) ނެރުނު ސާކިއުލާއެއްގައި ބުނެފައިވަނީ އޮކްޓޯމްބަރުމަހުގެ އެއްވަނަ ދުވަހުންފެށިގެން ސެޕްޓެމްބަރު މަހުގެ 21 ވަނަ ދުވަހުގެ ނިޔަލަށް ވަޒީފާތަކަށް މީހުންނެރުމުގައި ކޮމިޝަނުގެ އުސޫލާއި އެެއްގޮތަށް އަމަލު ކުރުމަށެވެ.
އެގޮތުން އޮކްޓޯމްބަރު ފުރަތަމަ ދުވަހުން ފެށިގެން ސެޕްޓަމްބަރު 21 އާއި ހަމަޔަށް އިއުލާން ކޮށްފައިވާ ވަޒީފާތަކަށް މީހުން ހޮވާނީ އެ ކޮމިޝަނުގެ ގަވައިދާއި އެއްގޮތަށް ކަމަށާއި، ވަޒީފާއަަށް މީހުން ހޮވުމާއި އައްޔަން ކުރުމުގައި މަރުހަލާތައް ކުރިއަށްދާނީ މިންގަޑާއި އުސޫލުގެ ދަށުން ވަޒީފާދިނުމާއި ބެހޭ ގަވައިދުގެ ތިންވަނަ އިސްލާހާއި އެއްގޮތަށް ކަމަށެވެ.
މިވަގުތަކީ ސަރުކާރު ބަދަލުކުރުމުގެ އިންތިގާލީ މަރުހަލާއެވެ. ސީއެސްސީން ސާކިއުލާއެއް ނެރެފައިވަނީ އިންތިހާބީ ރައީސްގެ އޮފީހުން ސަރުކާރަށް 7 ކަމެއް މަޑު ޖައްސާލުމަށް އެދި ސިޓީއެއްވެސް ފޮނުވާފައިވަނިކޮށެވެ.
ސަރުކާރުން ބުނެފައިވަނީ މި މަރުހަލާގައި ސަރުކާރަށް ފުރިހަމަ އެއްބާރުލުން ދޭނެ ކަމަށެވެ.