ޗައިނާއިން ރާއްޖެއަށް ކަނޑައަޅުއްވާފައިވާ ސަފީރު، ވަން ލިޒިން އާއި ހެލްތު މިނސްޓަރ ޑރ. އަބްދުﷲ ހަލީލް ބައްދަލުކުރައްވައިފިއެވެ.
ހެލްތު މިނިސްޓްރީގެ ބައްދަލުވުމުގައި މިނިސްޓަރ ހަލީލް ވަނީ ޗައިނާއިން ރާއްޖޭގެ ސިއްހީ ދާއިރާއަށް ވަމުންދާ އެހީތެރިކަމަށް ޝުކުރު އަދާކުރައްވާފައެވެ. އަދި ދެ ގައުމުގެ ގުޅުން އިތުރަށް ހަރުދަނާ ކުރުމާ ގުޅޭ ގޮތުން ހަލީލް ވަނީ މަޝްވަރާކުރައްވާފައެވެ.
ރާއްޖޭގެ ސިއްހީ ނިޒާމު އިތުރަށް ހަރުދަނާކޮށް ކުރިއެރުމަށް ދެ ގައުމުން ކުރެވެންހުރި މަސައްކަތްތަކާއި ގުޅޭ ގޮތުންވެސް މި ބައްދަލުވުމުގައި ވަނީ ވާހަކަ ދައްކަވާފައެވެ.
ޗައިނާއިން ރާއްގެއަށް ކަނޑައަޅއްވާފައިވާ ސަފީރާއިއެކު ބައްދަލުކުރެއްވުމަށްފަހު މިނިސްޓަރ ހަލީލް އެކްސްގައި ކުރެއްވި ޕޯސްޓެއްގައި ވިދާޅުވީ އެ ބައްދަލުވުމަކީ ވަރަށް ބޭނުންތެރި އުފެއްދުންތެރި ބައްދަލުވުމެއް ކަމަށެވެ.
advertisment