ބިޑްކުރުމުގެ ދަޢުވަތަކާ ނުލައި ސަރުކާރަށް ޕްރޮޕޯޒަލް ހުށަހެޅުމުގެ އުސޫލު ރައީސުލްޖުމްހުރިއްޔާ ޑރ މުހައްމަދު މުއިއްޒު އުވާލައްވައިފިއެވެ.
މި އުސޫލު އުވާލިކަން ގެޒެޓުގައި މިހާރު ވަނީ ޝާއިރުކޮށްފައެވެ. އުސޫލު އުވާލާފައިވަނީ 6 ޑިސެމްބަރުގައެވެ.
މިއީ ކުރީ ސަރުކާރުގައި އެކުލަވާލި އުސޫލެކެވެ.
މި އުސޫލު އުވާލުމުގެ ބޭނުމަކީ ސަރުކާރުގެ މަސައްކަތްތަކަށް ބިޑް ކުރުމުގެ އުސޫލު ވީހާ ވެސް ބޮޑަކަށް ހުޅުވާލައިގެން ކުރިއަށް ގެންދިޔުންކަމަށް ސަރުކާރުން މައުލޫމާތު ދެއްވައެވެ.
މިހެން މި އުސޫލު އޮތުމުގެ ސަބަބުން ކޮރަޕްޝަނަށް މަގުފަހިވާކަމަށާއި، ސަރުކާރުން ބޭނުންވާ ފަރާތްތަކަށް ބިޑްތައް ދިނުމުގެ ފުރުސަތު އޮންނަކަމުގެ ކަންބޮޑުވުން އާންމުންގެ މެދުގައި އަބަދުވެސް އޮވެއެވެ.
advertisment