ސަރުކާރުން ފެންނަނީ ލަދުވެތި މަންޒަރުތަކެއް: ރޮޒައިނާ

ރައީސް ޑރ މުހައްމަދު މުއިއްޒުގެ ފަރާތުން ފެނިގެންދަނީ ލަދުވެތި މަންޒަރުތަކެއްކަމަށް ރައްޔިތުންގެ މަޖިލީހުގެ މީދޫ ދާއިރާ މެެމްބަރު ރޮޒައިނާ އާދަމް ވިދާޅުވެއްޖެއެވެ.

ސަރުކާރުން އިންތިޒާމުކޮށްގެން ކުރިއަށް ގެންދިޔަ ހަފްލާއެއްގައި ކުރިމަތިވެ ޓެކްނިކަލް މައްސަލަތަކެއްގެ ސަބަބުން ރައީސް މުއިއްޒުގެ ވާހަކަފުޅު ކުރުކޮށްލެއްުވުމާއި ގުޅިގެން ރޮޒައިނާ ވިދާޅުވީ، އިތުރު ފަންސާސް މީހުންވެސް ރައީސް އޮފީހަށް ވަޒީފާއަށް ނަގަންވީކަމަށެވެ. އަދި އެކަން ކޮށްގެން ނަމަވެސް މިހާރަށް ވުރެ ރަނގަޅަށް ކަންކަން އިންތިޒާު ކުރެވޭތޯ ބަލަންޖެހިފައިވާކަމަށް ވިދާޅުވިއެވެ.

ރޮޒައިނާ ވިދާޅުވީ، ޓެލެޕްރޮމްޕްޓަރެއް މައްސަލަ ޖެހުނު ނަމަވެސް އަތުގައި ބާއްވައިގެން ބަލައިގެން ކިޔާނެ ގަނޑެއްގެ މިންވަރު އޮންނަންވާނެކަމަށެވެ. އޭނާ ވިދާޅުވީ، މިންވަރު ކުރެވިފައިނުވުމަކީ ދެރަ ވަރުކަމަށާއި އެއީ ގައުމަށްވެސް ހުރި ބޮޑު ލަދެއްކަމަށް ފާހަގަކުރެއްވިއެވެ. އޭނާ ވިދާޅުވީ، ސަރުކާރުން ގިނަ އަދަދެއްގެ ގޯސްތައް ހެދިފައިވާކަމަށެވެ. އޭނާ ވިދާޅުވީ، އެ ގޯސްތައް ހަދާފައިވަނީ ރައީސް އޮފީހުންކަމަށްވުމުން އެ ކަންކަން މިހާރު މަޖަލެއްވެސް ނޫންކަމަށޭވެ. އަދި އެއީ ގައުމަށް ހުރި ބޮޑު ހުތުރެއްކަަމަށް އޭނާ ތަކުރާރުކުރެއްވިއެވެ.