ދިވެހިރާއްޖެއާއި ސްރީލަންކާ ދެމެދު އިގްތިސާދީ ގޮތުން ގުޅުން ބަދަހި ކުރުމަށް މަޝްވަރާކޮށްފި އެވެ.
މީޑިއާތަކަށް މައުލޫމާތު ދެމުން އިކޮނޮމިކް މިނިސްޓްރީން ބުނީ މި މަޝްވަރާތައް ކުރިޔަށް ގެންގޮސްފައި ވަނީ، މިނިސްޓަރ މުހައްމަދު ސައީދާއި ލަންކާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު އާދަމް މަޒްރަވީ ޖައުފަރު ސޯދިގު ދެމެދު ކަމަށެވެ.
މި މަޝްވަރާތަކާއި ގުޅޭގޮތުން މިނިސްޓްރީން މާބޮޑު ތަފްސީލެއް ނުދިން ނަމަވެސް ދާދިފަހުން ޓްރާންސްޕޯޓް މިނިސްޓަރު މުހައްމަދު އަމީން ލަންކާއަށް ކުރެއްވި ދަތުރުފުޅުގައި ކުރި މަޝްވަރާތަކުގައި ވަނީ އެއާ އެމްބިއުލާންސްގެ ހިދުމަތް ދިނުމަށް އެއްބަސްވެފަ އެވެ.
High Commissioner of Sri Lanka to Maldives, H.E. Sadiq
paid a courtesy call to Honourable Minister Saeed to further strengthen the close ties of friendship between 🇱🇰 and 🇲🇻 pic.twitter.com/xRwE3aq5Ao— Ministry of Economic Development and Trade (@MoEDmv) March 12, 2024
ރާއްޖޭގެ އިގްތިސާދީ ހާލަތު ދަށްކަމަށް ވާހަކަ ދެކެވިފައިވާ މިވަގުތުގައި، ރައީސުލްޖުމްހޫރިއްޔާ ވިދާޅުވެފައި ވަނީ އެމަނިކުފާނު މަސައްކަތް ކުރައްވަނީ އިންވެސްޓްމަންޓުތައް ހޯދައި ރާއްޖެއަށް އައު ޕްރޮޖެކްޓުތައް ގެނައުމަށް ކަމަށެވެ.
