ޕީޕީއެމް/ޕީއެންސީ އޮތީ ބަދަހިކޮށްކަމަށާއި، ދެ ޕާޓީވެސް ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ދުވެލީގައި ދާނީ ކުރިއަށްކަމަށް އެމަނިކުފާނުގެ ހާއްސަ އެޑްވައިޒަރު އަބްދުލްރަހީމް އަބްދުﷲ ވިދާޅުވެއްޖެއެވެ.
އެކްސްގައި ހިއްސާ ކުރެއްވި ޕޯސްޓެއްގައި އަބްދުލްރަހީމް ވިދާޅުވީ ޕިީޕީއެމްއަށް ދިރުން ލިބޭނެ ގޮތާ ދިރުން ނުލިބޭނެ ގޮތް އިނގޭނީ އެ ޕާޓީގެ ލީޑަޝިޕަށްކަމަށެވެ. ޕީޕީއެމް/ޕީއެންސީ ހިންގަމުން ދަނީ ވަރަށް ބަދަހި ގުޅުމެއްގެ ތެރެއިން އެކަތި ކަނޑެއްގެ ގޮތުގައިކަމަށްވެސް އޭނާ ވިދާޅުވިއެވެ.
ޕާޓީގެ ލީޑަރަކީ ރައީސް ޑރ. މުހައްމަދު މުއިއްޒުކަމަށާއި، މުއިއްޒު ދުވެލީގައި ދެ ޕާޓީ އާއި ގައުމު ދާނީ ކުރިއަށްކަމަށް ވިދާޅުވިއެވެ.
PPM ah dhirun libeyne gothaa nulibeyne goiy en’geynee PPM ge leadership ah. PPM/PNC hin’gamundhanee varah badhahi gulhumehge therein ekanthi gan’dehge gothugai. Dhe party ge leader akee Raees Dr.Muizzu.Muizzu dhuveleegai dhe party aa Gaumuves dhaanee kuriah. pic.twitter.com/oYOgyUVWaO
— Abdul Raheem Abdulla (@Banafsaa) March 29, 2024
ބެލެވޭ ގޮތުގައި މިއީ ކުރީގެ ރައީސް އަބްދުލްﷲ ޔާމީން އަބްދުލްގައްޔޫމް އަލަށް އުފައްދަވާ ޕީޕަލް ނެޝަނަލް ފްރަންޓް (ޕީއެންއެފް) އިން އަމާޒުކުރާ ފާޑު ކިޔުންތަކަށް ރައްދުދެއްވާ ވިދާޅުވި ވާހަކައެކެވެ.
ރައީސް މުއިއްޒާއި ދެމެދު އުފެދުނު ހިޔާލު ތަފާތުވުންތަކަކަށްފަހު ރައީސް ޔާމީން އެ ޕާޓީއިން ވަކިވެވަޑައިގެންނެވުމުން އެމަނިކުފާނުގެ ސަރުކާރުގެ ފުރަތަމަ ނައިބު ރައީސް މުހައްމަދު ޖަމީލް އަހުމަދާއި، އެހެންވެސް އިތުރު ބައެއް ބޭފުޅުން ޕާޓީއިން ވަކިވެވަޑައިގެންނެވިއެވެ. އެއަށްފަހު އެ ޕާޓީގެ ޖަލްސާތަކުގައި ސަރުކާރަށް ވަރަޑް ބޮޑަށް ފާޑު ވިދާޅުވެއެވެ. ޖަމީލްއާއި އަބްދުލްރަހީމްއާއި ދެމެދު މީގެ ކުރީގައިވެސް ބަހުގެ ހަމަލާތަކެއް ރައްދު ކުރިއެވެ.
advertisment