މަނީ ޓްރާންސްފަރ ޕްލެޓްފޯމްތަކާއި ޑިޖިޓަލް ވޮލެޓް ހިމެނޭހެން ބޭންކް އޮފް މޯލްޑިވްސް އިން ކުރިން ބްލޮކްކޮށްފައިވާ ބޭރުގެ މާރޗަންޓުން އަންބްލޮކްކޮށް މުއާމަލާތްކުރެވޭގޮތަށް ހަމަޖެހިގެންދިއުމަކީ އިގްތިސާދީ ދާއިރާއަށް ލިބުނު ބޮޑު ކުރިއެރުމެއްކަމަށް އިގްތިސާދީ ވަޒީރު މުހައްމަދު ސައީދު ވިދާޅުވެއްޖެއެވެ.
ކަސްޓަމަރުންނަށް ބޭންކުގެ ވިސާ ޔޫއެސްޑީ ކްރެޑިޓް ކާޑު ނުވަތަ މާސްޓަރކާޑް ޕްރީޕެއިޑް ޔޫއެސްޑީ ޓްރެވަލް ކާޑު ބޭނުންކޮށްގެން މި ޕްލެޓްފޯމްތައް މެދުވެރިކޮށް ފައިސާ ފޮނުވުމާއި ފައިސާ ލިބޭނެ ގޮތް ހަމަޖެހިގެންދާނެ ކަމަށް ބީއެމްއެލްއިން އިއުލާނުކުރުމާއި މިނިސްޓަރު ސައީދު ވަނީ އެކަމަށްޓަކައި ޝުކުރު ދަންނަވާ ޕޯސްޓެއްކުރައްވާފައެވެ.
މިނިސްޓަރ ވިދާޅުވީ، ރާއްޖޭގައި ފްރީލާންސްކޮށް މަސައްކަތްކުރާ ފަރާތްތަކަށާއި ކުދި ވިޔާރިތަކަށް ބޭރު ފައިސާ ބަލައިގަނެވޭނެ އިންތިޒާމުތައް ހަމަޖެހިގެންދިއުމަކީ ވިޔަފާރިކުރާ ފަރާތްތަކަށް ލިބިގެންދިޔަ ބޮޑު ލުޔެއްކަމަށެވެ. އެހެންކަމުން އެކަމަށް ޝުކުރުވެރިވެވަޑައިގަންނަވާކަމަށް ވިދާޅުވިއެވެ.
މިނިސްޓރު ވިދާޅުވީ، މިކަމުގެ ސަބަބުން އޮންލައިން އިންޓަރނޭޝަނަލް ސޭލްސް އެންޑް ޑިޖިޓަލް ޕްލެޓުފޯރމްތަކުގައި ވިޔަފާރިކޮށް ޑޮލަރުން އަގު ބަލައިގަނެވޭނެ މަގު ފަހިވެފައިވާކަމަށާއި، އެއީ ކުދި އަދި މެދުފަންތީގެ ވިޔަފާރިތަކުގެ ކުރިއެރުމަށް އިންތިހާއށާް މުުހިންމު ފިޔަވަޅެއްކަމަށްވެސް ބުނެފައިވެއެވެ.
advertisment