ނަމެއްގައި އިންނަ ކެންޑިޑޭޓަކު ހޮވުމަކީ އެފޯޑު ކުރެވޭނެ ކަމެއް ނޫން: ރައީސް

ނަމެއްގައި މަޖިލީހުގައި ތިއްބަވާ މެންބަރުން ހޮވުމަކީ މި ދައުރުގައި އެފޯޑު ކުރެވޭނެކަމެއް ނޫންކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

ރައީސް މިފަދައިން ވިދާޅުވީ ސަރުކާރުގެ ފަރާތުން ވިލިނގިލީ ދާއިރާއަށް ކުރިމަތިލައްވާ ކެންޑިޑޭޓު ޔަޒްމީދު އަހުމަދުގެ ކެމްޕެއިން ޖަލްސާގައި ވާހަކަދައްކަވަމުންނެވެ. ރައީސް ވިދާޅުވީ ޕްރައިމަރީގައި ވާދަކޮށް ނާކާމިޔާބުވި ކެންޑިޑޭޓުން ނިކުމެ، އަނެއްކާ އިންތިހާބުގައި ވާދަކުރުމުން ޕާޓީއަށް ގޮނޑި ގެއްލުމުގެ ފުރުސަތު އެބައޮތްކަމަށެވެ. އެންމެ އެކަތިގަނޑަކަށްވުމުގެ މުހިންމުކަން ރައީސް ފާހަގަކުރެއްވިއެވެ. ހިޔާލުތަފާތުވުންތަކާއި ޒާތީ ތައައްސުބުން އެއް ފަރާތް ކުރުމަށް އެމަނިކުފާނު އެދިވަޑައިގެންނެވިއެވެ. އަދި ގައުމަށްޓަކައި މަސައްކަތް ކޮށްދެއްވުމަށް އިލްތިމާސް ކުރެއްވިއެވެ.

ދާއިރާތަކުގެ ތަރައްގީއަށް މި އިންތިހާބުގައި އެންމެ އެއް ވިސްނުމެއްގައި ނިކުތުމުގެ މުހިންމުކަން ތަކުރާރުކޮށް ރައީސް ގެންދަވަނީ ފާހަގަކުރައްވަމުންނެވެ. އަދި ވިދާޅުވީ އެ ނޫން މަގަކުން މަސައްކަތްކޮށްފި ނަމަ ސަރުކާރަށް ލިބެންހުރި މުހިންމު ގޮނޑިތަކެއް ގެއްލިގެން ދިޔުމުގެ ފުރުސަތު އެބައޮތްކަމަށެވެ.

ނައިފަރު ދާއިރާއަށް ބަލާނަމަ އޮތް ހިޔާލު ތަފާތުވުމެއްގެ ސަބަބުން ޕާޓީގެ ޕްރައިމަރީން ހޮވުނު ކެންޑިޑޭޓު ފިޔަވައި، އެހެން މީހަކު ޕާޓީތެރެއިން ނިކުމެ ވަކިން ވާދަކުރަނީ. އެހެންވީމަ އެ ރަށުގެ ގޮނޑި އަޅުގަނޑުމެންގެ ތެރޭގައި އޮތް ހިޔާލު ތަފާތުވުމެއްގެ ސަބަބުން ގެއްލި ހިނގައިދާނެ.

ރައީސް ވިދާޅުވިއެވެ.