އެމްޑީޕީގެ ރައީސް އަދި ކުރީގެ ފޮރިން މިނިސްޓަރު އަބްދުﷲ ޝާހިދު ޗައިނާގެ ރައީސް ޝީ ޖިންޕިންއާއި ބައްދަލުކުރައްވައިފިއެވެ.
ޝާހިދު އެކްސްގައި ހިއްކުރެއްވި ޕޯސްޓެއްގައި ވިދާޅުވީ ފައިވް ޕްރިންސިޕަލްސް އޮފް ޕީސްފުލް ކޯގްޒިސްޓެންސްގެ 70 ވަނަ އަހަރީ ދުވަހުގެ މުނާސަބަތުގައި ބާއްވާ ކޮންފެރެންސްގައި ދެއްވާ ހިތާބުގެ ކުރިން ޗައިނާގެ ރައީސް އާއި ބައްދަލުކުރައްވާފައިވާ ކަމަށެވެ.
https://x.com/abdulla_shahid/status/1806665888357376437
ހިތާބުގެ ކުރިން ޗައިނާ ރައީސް އާއި ބައްދަލު ކުރެއްވުމުގެ ޝަރަފު ލިބިވަޑައިގެންފައިވާކަން ހާމަކުރައްވާ ޝާހިދު ވިދާޅުވީ ޝީ ޖިންޕިންގެ ހިތާބުން އޭނާއަށް ހިތްވަރު ލިބިގެން ގޮސްފައިވާ ކަމަށެވެ. އަދި ތަނަވަސް ދުނިޔެއަކަށް އެމަނިކުފާނު ވެވަޑައިގެންފައިވާ ވަޢުދުފުޅުން އެއްބާރުލުމާއި ވިސްނުން އިތުރުވެގެން ދިޔަ ކަމަށް ވެސް ވިދާޅުވިއެވެ.
ޝާހިދު ވިދާޅުވީ އިންސާނިއްޔަތަށް އޮތް ހަމައެކަނި ހައްލަކީ ސުލްހަވެރިކަމާއި އެކުވެރިކަންމަތީ ތިބުން ކަމަށެވެ.
