ބިދޭސީއިން ދިރިއުޅޭ ތަނަކަށް އިމިގްރޭޝަންގެ އޮފިސަރުންގެ ނަމުގައި ތިން މީހަކު ވަދެ، ބިދޭސީއެއްގެ އަތުން ފޭރުނު މައްސަލައިގައި ހައްޔަރު ކުރި މީހާގެ ބަންދަށް 10 ދުވަސް ޖަހައިފިއެވެ.
މި މައްސަލައިގައި ހައްޔަރުކޮށް، ބަންދަށް ދުވަސް ޖަހާފައިވަނީ އުމުރުން 44 އަހަރުގެ މާލެ ގ. ބެރުގެ މުހައްމަދު ނަވީންއެވެ. އޭނާ ހައްޔަރުކުރީވެސް ކޯޓު އަމުރެއްގެ ދަށުންނެވެ.
މި މައްސަލަ ފުލުހުން ތަހުގީގު ކުރަމުންދާއިރު، ބިދޭސީންގެ އަތުން ފޭރެން އުޅެފައި ވަނީ ތިން މީހެކެވެ.
މިކަން ހިންގާފައި މިވަނީ އިމިގްރޭޝަންއިން ނުގަވާއިދުން އުޅޭ ބިދޭސީއިންނާއި ދެކޮޅަށް ބޮޑު އޮޕަރޭޝަންއެއްވެސް ހިންގަމުންދާ ދަނޑިވަޅެއްގައެވެ.
