ބީއެމްއެލްއިން ޔުޕޭ ކާޑުތައް ބަލައިގަންނާނެކަން ހާމަކޮށްފިއެވެ.
ރައީސް ޑރ މުހައްމަދު މުއިއްޒު އިންޑިއާއަށް ކުރައްވާ ރަސްމީ ދަތުރުފުޅުގެ ތެރެއިން އިންޑިއާގެ ޕޭމެންޓު ނިޒާމެއްކަމަށްވާ ”ރޫޕޭ ކާޑު“ ދެ ގައުމުގެ ސަރުކާރު ދެމުދު ކުރިއަށް ގެންދިޔަ ރަސްމިއްޔާތެއްގައި ތައާރަފްކޮށްފައިވާއިރު، ރާއްޖޭގެ ގައުމީ ބެންކުންވަނީ އެ ނިންމުމާއި އެއްގޮތަށް އަމަލުކުރަން ފަށާފައިވާކަން ހާމަކޮށްފައެވެ.
ބީއެމްއެލްއިން ސޯޝަލްމީޑިއާގައި އާންމުކޮށްފައިވާގޮތުން އެ ބެންކުންވަނީ އޭޓިއެމްތަކާއި ޕޮސް މެޝިނުތަކުންވެސް ރޫޕޭ ކާޑުތައް ބަލައިގަތުމުގެ މަސައްކަތްތައް ފަށާފައެވެ. އަދި އިންޑިއާގެ ނޭޝަނަލް ޕޭމަންޓްސް ކޯޕަރޭޝަންގެ މި ޕްރޮޑަކްޓަކީ އިންޑިއާގެ ފުރަމަތަ ގްލޯބަލް ކާޑު ޕޭމެންޓު ނެޓުވޯކްކަަމަށާއި މިހާރު ދުނިޔޭގެ އެކި ކަންކޮޅުތަކުުގައި 300 މިލިއަން މީހުން މި ހިދުމަތް ބޭނުންކުރަމުންދާކަމަށެވެ.
