ރާއްޖެއާއި ޗައިނާ ދެމެދު އޮތް ޒަމާންވީ ގާތް ގުޅުން ދައްކުވައިދޭ ސިނަމާލެ ބްރިޖު ޕާކު ހުޅުވައިފި އެވެ.
ބްރިޖު މޮނިއުމަންޓް ޕާކު ހުޅުވާދެއްވާފައި ވަނީ އިންފްރާސްޓްރަކްޗާ މިނިސްޓަރ ޑރ. އަބްދުﷲ މުއްތަލިބުއާއި، ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު ވާންގްލީ އެވެ.
މޮނިއުމަންޓާއި ގުޅޭގޮތުން ކޮންސްޓްރަކްޝަން މިނިސްޓްރީ ބުނެފައި ވަނީ ބްރިޖު ޕާކަކީ ޗައިނާއާއި ރާއްޖެ ދެމެދު އޮތް ޒަމާންވީ ގާތް ގުޅުމުގެ ރަމްޒެއް ކަމަށެވެ.
ބްރިޖު ޕާކުގައި މަޝްރޫއު ކުރިޔަށް ދިޔަ ގޮތުގެ ތަފްސީލުތަކާއި،އެ މަސައްކަތް ފެންނަ ފޮޓޯތައް ބަހައްޓާފައި ވެއެވެ.
ޕާކު ހުޅުވުމަށް ބޭއްވި ރަސްމިއްޔާތުގައި ގިނަ އަދަދެއްގެ ކުޑަކުދިން ވެސް ވަނީ ބައިވެރިވެފަ އެވެ.
