މަސްވެރިކަމާއި ގުޅުން ހުރި އެވޯޑުތަކަށް ކުރިމަތިލުމުގެ މުއްދަތު އިތުރުކޮށްފިއެވެ.
މި އެވޯޑުތަކަށް އަމިއްލަ ހައިސިއްޔަތުން ނުވަތަ އެހެން ފަރާތަކުން ވެސް ނަން ހުށަހެޅުމުގެ ފުރުޞަތު އޮތްކަމަށް މިނިސްޓްރީން ވަނީ އަންގަވާފައެވެ. އަދި އެވޯޑަށް އެދި ހުށަހަޅާ ފޯމު މިނިސްޓްރީގެ ވެބްސައިޓުން ލިބެން ހުންނާނެ ކަމަށްވެސް މަޢުލޫމާތު ދެއްވާފައިވެއެވެ.
މިއަހަރުގެ މަސްވެރިންގެ ދުވަހާ ގުޅިގެން ދެއްވުމަށް ހަމަޖެހިފައިވާ އެވޯޑުތަކަށް ކުރިމަތިލުމުގެ ފުރުޞަތު މިނިސްޓްރީން އެންމެ ފުރަތަމަ ހުޅުވާލެއްވީ ފާއިތުވި މަހުގެ ކުރީކޮޅުގައެވެ.
މިއަހަރުގެ މަސްވެރިންގެ ދުވަސް ފާހަގަކުރުމަށް ހަމަޖެހިފައިވަނީ ބ. ތުޅާދޫގައެވެ. ދިވެހިރާއްޖޭގައި މަސްވެރިންގެ ދުވަސް ފާހަގަކުރަނީ ކޮންމެ އަހަރެއްގެ ޑިސެންބަރު މަހުގެ 10 ވަނަ ދުވަހުއެވެ. ފާއިތުވި އަހަރު މި ދުވަސް ފާހަގަކުރެވިފައިވަނީ ގދ. ފަރެސްމާތޮޑާގައެވެ.
