އެމްޑީޕީގެ ވެރިކަމުގެ ދައުރު ނިމިގެންދިޔައިރު، ދިވެހިރާއްޖޭގެ އާމްދަނީ އިތުރުކުރުމަށް އެކަށީގެންވާ މިންވަރަކަށް މަސައްކަތްތަކެއް ކުރެވިފައިވާ ކަމަށް އިގްތިސާދީ ވަޒީރު މުހައްމަދު ސައީދު ވިދާޅުވެއްޖެއެވެ.
މުޅި ރާއްޖެއަށް ބޭންކް އޮފް މޯލްޑިވްސްގެ އޭޓީއެމް ޚިދުމަތް ތަޢާރަފުކުރުމުގެ ރަސްމިއްޔާތުގައި ވާހަކަފުޅު ދައްކަވަމުން، މިނިސްޓަރު ސަޢީދު ފާހަގަކުރެއްވީ، ރައީސް ޑރ. މުޙައްމަދު މުޢިއްޒު ވެރިކަމާ ހަވާލުވެވަޑައިގެން އިސްކަންދެއްވާފައިވަނީ ދިވެހި ރައްޔިތުންނާއި ޤައުމުގެ މަޞްލަޙަތަށް ކަމަށެވެ.
މިނިސްޓަރު ވިދާޅުވީ، ވެރިކަމުގެ ދައުރުގެ 52 ހަފުތާގެ ތެރޭގައި ރައީސް ޑރ. މުޢިއްޒު ވަނީ ގިނަގުނަ މަސައްކަތްތަކެއް ކުރައްވާފައި ކަމަށެވެ. އެހެންނަމަވެސް، ބޮޑެތި އިމާރާތްތަކާއި މަޝްރޫޢުތައް އަދި ފެށިފައިނުވާކަން ޤަބޫލުކުރެއްވިއެވެ.
މިނިސްޓަރު ސަޢީދު ފާހަގަކުރެއްވި ގޮތުގައި، ކުރީގެ ސަރުކާރުގެ ފަސް އަހަރުގެ ދައުރު ނިމުނުއިރު، ޤައުމުގެ އާމްދަނީ އިތުރުކުރެވޭނެ ފަދا އެއްވެސް ވަސީލަތެއް ޤާއިމުކުރެވިފައި ނުވާކަން ފާހަގަކުރެއްވިއެވެ. އޭގެ ބަދަލުގައި، ބޮޑު ދަރަންޏެއް މި ސަރުކާރަށް ވާރުތަވެފައިވާ ކަމަށް ވިދާޅުވިއެވ
މި ސަރުކާރަށް ވާރުތަވެފައިވަނީ ހަމައެކަނި ދަރަނި ނޫންކަމަށާއި، ނާކާމިޔާބު މާލީ ނިޒާމަކާއި މަނިޓަރީ ސިޔާސަތުގެ އިތުރުން އިޖުތިމާޢީ ގޮންޖެހުންތަކެއްވެސް ކުރިމަތިވެފައިވާ ކަމަށް ވިދާޅުވިއެވެ.
މިނިސްޓަރު ސަޢީދު އިތުރަށް ފާހަގަކުރެއްވީ، ސަރުކާރުންނާއި ރައީސް މުޢިއްޒު ކުރައްވާފައިވާ މުހިންމު މަސައްކަތްތަކުގެ ހެކިތައް ފެންނަން ހުރި ކަމަށެވެ. މީގެ ތެރޭގައި ކެބިނެޓް ބައްދަލުވުންތަކާއި، އިކޮނޮމިކް ކައުންސިލް އަދި ސޯޝަލް ކައުންސިލްގެ ބައްދަލުވުންތައް ހިމެނޭ ކަމަށް ވިދާޅުވިއެވެ.
ރާއްޖޭގެ ހުރިހާ ރަށަކަށް އޭޓީއެމްގެ ޚިދުމަތް ފޯރުކޮށްދިނުމަކީ ރައީސް މުޢިއްޒުގެ މަސައްކަތްޕުޅުން ޙަޤީޤަތަކަށްވެފައިވާ ކަމެއް ކަމަށާއި، މިކަމުން ވަރަށް ބޮޑު ޢިބުރަތެއް ލިބިގެންދާނެ ކަމަށް ޤަބޫލުކުރައްވާ ކަމަށް ސައީދު ވިދާޅުވިއެވެ. އަދި މިއަދު ދިވެހި ބޭންކަކީ ރައްޔިތުންގެ ބޭންކެއްގެ ގޮތުގައި ކުރިއަރަމުންދާ ތަނެއްގެ ގޮތުގައި ފާހަގަކުރެއްވިއެވެ.
