ގާނޫނު އަސާސީއަށް ބަދަލު ގެނެވެން ވާނީ ރައްޔިތުންގެ މަޝްވަރާއާއިއެކުކަމަށް އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެއެވެ.
ފައްޔާޒް ވިދާޅުވީ ރައީސުލްޖުމްހުރިއްޔާ ޑރ މުހައްމަދު މުއިއްޒު އެމަނިކުފާނު ބޭނުންވާ ގޮތަކަށް ގާނޫނު އަސާސީއަށް ބަދަލު ގެންނާނެކަން އިއްޔަ މަޖިލީހުގައި އެންޓި ޑިފެކްޝަން ގާނޫނާއި ގުޅިގެން ކުރެވުނު މަސައްކަތުން އެގިގެން ދިޔަކަމަށެވެ.
އެކަންކަން ހުއްޓުުވުމަށް ކުރަންޖެހޭ ހުރިހާ ކަމެއް ކުރާނެކަމުގެ ޔަޤީންކަން އަޅުގަނޑުމެން ރައްޔިތުންނަށް ދޭން ބޭނުންވޭ.
ފައްޔާޒް ވިދާޅުވިއެވެ.
12 ގަނޑިއިރުގެ ތެރޭގައި ގާނޫނު އަސާސީއަށް ބޮޑެތި ބަދަލުތަކެއް ގެނައިރު، އެއްވެސް ބައެއްގެ މަޝްވަރާ މި ސަރުކާރުން ހޯދާފައިނުވާކަމަށް ވިދާޅުވެ، އޭނާ ފާހަގަކުރެއްވީ ތަޖުރިބާކާރުންނެވެ.
އެމްޑީޕީއިން އެންޓި ޑިފެކްޝަން ގާނޫނަށް އިސްލާހު ގެނައީ އިންތިހާބުވާ ޕާޓީ ދިފާއު ކުރަން ޖެހޭ ގޮތަށްކަމަށެވެ. ގާނޫނު އަސާސީގައި ބުނާ ގޮތުގައި މަޖިލީހުގެ މެންބަރުން ވަކާލާތު ކުރަން ޖެހޭނީ މުޅި ރައްޔިތުންގެ ހައްގުގައިކަމަށް ފާހަގަކޮށް ފައްޔާޒް ވިދާޅުވީ، ވަކި ދާއިރާއެއްގެ ހައްގުގައިވެސް ނޫންކަމަށެވެ.
ބައެއް ކަންކަމަކީ މެންބަރުގެ އަމިއްލަ އިހުތިޔާރު އޮންނަން ޖެހޭ ކަންކަންކަމަށް ފައްޔާޒް ވިދާޅުވިއެވެ. ފުޅާ ދާއިރާއެއްގައި ކަންކަމަށް ފުރުސަތު އޮންނަން ޖެހޭކަމަށް އޭނާ ވިދާޅުވިއެވެ.
