ރާއްޖޭގެ ސްކޫލެއްގައި މަސައްކަތްކުރާ ޓީޗަރަކު ދަރިވަރުންގެ އުމުރާ ނުގުޅޭ ވާހަކަ ދައްކައި ގްރޫމްކުރި މައްސަލައެއް ތަހުގީގު ނިންމައި މައްސަލައިގައި ދަޢުވާކުރުމަށް ޕްރޮސެކިއުޓަރ ޖެނެރަލްގެ އޮފީހަށް ފޮނުވައިފިއެވެ.
މި މައްސަލައާ ގުޅިގެން 29 އަހަރުގެ ފިރިހެން ޓީޗަރަކު ވަނީ ހައްޔަރުކޮށްފައެވެ. ފުލުހުން މަޢުލޫމާތު ދީފައިވާ ގޮތުގައި، މި މައްސަލައިގެ ތަޙުޤީޤަށް ފުރަތަމަ އޭނާ 20 ދުވަހަށް ބަންދުކުރެވުނެވެ. އޭގެ ފަހުން އިތުރު 30 ދުވަހަށް ބަންދު މުއްދަތު އިތުރުކުރެވުނެވެ.
ފުލުހުންގެ ތަޙުޤީޤު ނިމުމާ ގުޅިގެން، މި މައްސަލައިގައި ދަޢުވާކުރުމަށް ޕްރޮސެކިއުޓަރ ޖެނެރަލްގެ އޮފީހަށް ވަނީ ފޮނުވިފައެވެ. މިފަދަ ސީރިއަސް މައްސަލަތަކުގައި ޝަރީޢަތުން ޙުކުމް ކަނޑައެޅުމުގެ ކުރިން ޝައްކުކުރެވޭ ފަރާތް ބަންދުގައި ބޭތިއްބުމަކީ އާންމު ކަމެކެވެ.
